रामेछाप – रामेछापको सुनापती गाउँपालिका–४ बेथानमा शनिबार भएको बोलेरो दुर्घटनामा घाइते भएका ५ जना मध्ये एक जनाको मृत्यु भएको छ।
शनिबार प्रदेश ३ ०१–०२४ च १४४० नम्बरको डबल क्यापको बोलेरो दुर्घटना भएको थियो । दुर्घटनामा परी एक जनाको ज्यान गएको हो ।
बेथानबाट आइतबार हुने नेपाली कांग्रेसको १४ औं अधिबेसनको लागि हिलेदेवि जाँदै गरेको बोलेरो दुर्घटनामा परी ४६ वर्षिय शारदा खत्रीको ज्यान गएको हो । खत्रीको उपचारको लागि काठमाण्डौ लैजाँदै गर्दा बाटैमा मृत्यु भएको जिल्ला प्रहरी कार्यालय रामेछापका प्रहरी निरिक्षक श्रीशंकर श्रेष्ठले जानकारी दिए ।
उक्त दुर्घटनामा परी नेपाली कांग्रेसका उपसभापती जितेन्द्र मोक्तान मेग बहादुर खत्री, जेपी गौतम र बोलेरोका चालक रामकुमार तामाङ घाइते भएका छन् । घाइते मध्य जे.जि गौतम भने अस्पतालबाट डिस्चार्ज भएको र अन्य तीन जनाको उपचार भइरहेको प्रहरी जनाएको छ। उनीहरूको अवस्था समान्य रहेको छ ।