काठमाडौं– प्रहरी प्रधान कार्यालयले १८ जना प्रहरी उपरीक्षक (एसपी)को सरुवा गरेको छ। प्रहरी उपरीक्षकको सरुवा हुँदा केही जिल्ला प्रहरी प्रमुख समेत फेरिएका छन्।
गृहमन्त्री बालकृष्ण खाणको गृहजिल्ला रुपन्देहीसहितका जिल्लाका प्रहरी प्रमुख फेरिएका छन्। रुपन्देहीमा नयाँ प्रहरी प्रमुखको रुपमा सम्पत्ति शुद्धीकरण अनुसन्धान विभागको प्रहरी शाखामा कार्यरत रबिन्द्र रेग्मीलाई पठाइएको छ।
रुपन्देहीका प्रहरी प्रमुख मनोज कुमार केसीको बागमती प्रदेश प्रहरी कार्यालय हेटौंडामा सरुवा गरिएको छ। यस्तै, गोरखा, बागलुङ, गुल्मी, सिन्धुली, धनकुटा र डोटी जिल्लाका प्रहरी प्रमुख पनि फेरिएका छन्।
सरुवामा पर्ने एसपीहरूमा कमल थापा, कृष्ण बहादुर पल्ली मगर, केदार खनाल, गङ्गा पन्त, गोपाल भट्टराई, गोविन्द थपलिया, डा मनोजकुमार केसी, तुल बहादुर कार्की, दयानिधि ज्ञवाली, दान बहादुर मल्ल, दीपक कुमार बस्नेत, नकुल पोखरेल, विमल राज कँडेल, वीरबहादुर ओली, रवीन्द्र रेग्मी, लक्ष्मीराज अधिकारी, शारदा प्रसाद चौधरी र शेखर खनाल रहका छन् ।
‘प्रहरी महानिरीक्षकको मिति २०७८ फागुन ८ गतेको निर्णयअनुसार मिति २०७८ फागुन महिनादेखिको तलब भत्तासमेत हाल सरुवा भएको दरबन्दीबाट खान पाउने गरि निम्न प्रहरी उपरीक्षकहरुलाई देहाय बमोजिम सरुवा गरिएको हुँदा अभिलेखमा आवश्यक व्यहोरा जनाई दिनु हुन अनुरोध गरिएको छ,’ प्रहरी प्रधान कार्यालयले जारी गरेको सूचनामा भनिएको छ।
