म्यानुयल थेरापी सेन्टरले छाला, यौन, सुगर र थाइराइडको नि:शुल्क स्वास्थ्य परीक्षण गर्दै

काठमाडौं- नेपालको एक मात्र म्यानुयल थेरापी अर्थो न्युरो रिह्याबिलिटेसन एण्ड पेन रिलिफ सेन्टरले एक पत्रकार सम्मेलन गरी छाला तथा यौन रोग, मधुमेह (सुगर) र थाइराइडको हप्तामा ३ पटक नि:शुल्क स्वास्थ्य परीक्षण गर्ने जनाएको छ  ।

छाला तथा यौन सम्बन्धी हप्तामा २ पटक र सुगर एबम् थाइराइड सम्बन्धी १ पटक नि:शुल्क स्वास्थ्य परीक्षण गर्ने जनाएको हो  । उक्त योजना माघ १५ देखी चैत्र ३० गते सम्म लागु हुने सेन्टरले जनाइएको छ ।

सेन्टरका अध्यक्ष डा. किशोरलाल श्रेष्ठले  पत्रकार सम्मेलनमा भने – “हाम्रा हजारौं  सेवाग्राही तथा सुभेक्षूकको अनुरोधलाई मध्यनजर गर्दै नि:शुल्क स्वास्थ सिबिर राखेका छौं। र, हामीले यस सिबिरबाट छाला तथा यौन, मधुमेह (सुगर) र थाइराइडका प्रतिमहिना ६०० बिरामीको नि:शुल्क स्वास्थ्य परीक्षण गर्ने लक्ष्य  राखेका छौं।”

उक्त पत्रकार सम्मेलनमा ती रोगको नि: शुल्क परीक्षणको यस्तो तालिका सार्वजनिक गरियो :

यस सेन्टरका ब्यवस्थापक नबिन खरेल भने – “हाम्रो कार्यालयको टेलिफोन नम्बर  ०१- ४६२२०३३ मा फोन गरेर नाम दर्ता गर्न सक्नुहुनेछ। नि:शुल्क परीक्षणको तालीकिकरण भएको दिन अधिकतम ५० जनाको मात्र परीक्षण गर्न सकिने भएकोले समयमै नाम दर्ता गर्न अनुरोध गर्छौँ  ।”

यस सेन्टरका ब्यवस्थापक नबिन खरेलका अनुसार आफुले निभाउनुपर्ने सामाजिक उत्तरदायित्व (सिएसआर) अनुसार यो नि:शुल्क स्वास्थ्य परीक्षणको अबधारणा ल्याइएको हो । आजभोलि समाजमा छाला तथा यौन, सुगर एबम थाइराइडको समस्या बिकराल हुँदै गएकोले आफुहरुले सामाजिक भूमिका निभाउने उद्देश्यले उक्त योजना ल्याइएको बताउनु भयो ।

खरेलले थपे -“बिरामिले स्वास्थ्य परीक्षणको कुनै शुल्क तिर्नु पर्दैन । फोन बाट आफ्नो नाम दर्ता गरे हुन्छ र यहाँ आएर नि:शुल्क परामर्श सेवा पाउनुहुनेछ । समाजमा सुगर, थाइराइड जस्तो रोगको असर न्युनिककरणको लागि सबै हातेमालो गर्नु आवश्यक छ।”