निर्वाचन सुरक्षाबारे चारवटै सुरक्षा निकायका प्रमुखबीच जंगी अड्डामा छलफल भएको छ।सरकारले तयार गरेको एकीकृत सुरक्षा योजना अनुसार प्रभावकारी रुपमा कसरी सम्पन्न गर्ने भन्ने विषयमा आइतबार दिउँसो छलफल भएको छ।
प्रधान सेनापति प्रभुराम शर्माको कार्य कक्षमा भएको छलफलमा सुरक्षा योजना अनुसार आपसमा समन्वय कसरी गर्ने र सुरक्षालाई प्रभावकारी बनाउने भन्ने विषयमा छलफल भएको जंगी अड्डा स्रोतले जनाएको छ।
निर्वाचनलाई भयरहित वातावरणमा सम्पन्न गराउने जिम्मेवारी कसरी पूरा गर्ने भन्ने विषयमै छलफल केन्द्रित भएको सैनिक प्रवक्ता नारायण सिलवालले बताए।
छलफलमा नेपाल प्रहरीका महानिरीक्षक शैलेश थापा क्षेत्री, सशस्त्र प्रहरी महानिरीक्षक पुष्पराम केसी र राष्ट्रिय अनुसन्धान विभागका प्रमुख यदुलाल खरेल सहभागी थिए।
