काठमाडौं – नेपाल प्रहरीका ३४ जना प्रहरी निरीक्षक (इन्सपेक्टर) प्रहरी नायव उपरीक्षक (डीएसपी) बढुवाका लागि सिफारिस भएका छन्।
सोमबार बसेको बढुवा समितिको बैठकले ३४ जना इन्सपेक्टरलाई डीएसपी बढुवाका लागि सिफारिस गरेको हो।
पहिलो नम्बरमा होमबहादुर थापा बढुवाको सिफारिसमा परेका छन्। दोस्रो नम्बरमा दीपेन्द्रकुमार पाल र तेस्रो नम्बरमा किरणकुमार न्यौपाने बढुवाका लागि सिफारिस भएका छन्।
हेर्नुस् सूची:
यस्तै नेपाल प्रहरीका ३६ डीएसपी एसपीमा बढुवा सिफारिस भएका छन् । प्रहरी प्रधान कार्यालय, बढुवा समितिको सचिवालयको बैठकले उनीहरुलाई बढुवा गर्न सिफारिस गरेको हो ।
सिफारिसअनुसार देवेन्द्रबहादुर पाल एक नम्बरमा बढुवा सिफारिस भएका छन् भने ३६ औं नम्बरमा मोहन कुमार थापाको नाम रहेको छ ।
बढुवा सिफारिस हुनेमा प्रधानमन्त्री शेरबहादुर देउवाका पीएसओ कोमल शाह पनि छन् । ६१ सालमा भर्ना भएका प्रहरी निरीक्षकमध्ये सो ब्याचबाट शाह पहिलो नम्बरमा सिफारिस भएका हुन् ।
सोही ब्याचबाट डीएसपी बढुवा हुँदा पहिलो नम्बरमा रहेका अपिल बोहरा र दोस्रोमा रहेका गौतम केसी भने एसपी बढुवा सिफारिसमा छुटेका छन् । डीएसपी बढुवा हुँदा शाह भने २५औं नम्बरमा थिए ।
