सशस्त्र प्रहरी बलले ७ जना सशस्त्र प्रहरी नायब महानिरीक्षक (डीआईजी)को काज सरुवा गरेको छ । सशस्त्रले एक जना वरिष्ठ उपरीक्षक (एसएसपी)को पनि काज सरुवा भएको हो ।
डीआईजी विदुर खड्कालाई प्रशिक्षण प्रतिष्ठानबाट बिन्धवासीनी बाहिनी मुख्यालय रुपन्देही र ७ नम्बर बैधनाथ बाहिनी मुख्यालयमा रहेका लक्ष्मणबहादुर सिंहलाई गढीमाई बाहिनी मुख्यालयमा काज सरुवा गरिएको छ ।
५ नम्बर बिन्धवासिनी बाहिनी मुख्यालय चन्द्रौटाबाट चितवनको भण्डारामा कार्यरत किशोर प्रधानलाई कार्य विभागमा काज सरुवा गरिएको सशस्त्रले जनाएको छ ।
यस्तै डीआईजी अभिकुमार खत्रीलाई ६ नम्बर बाहिनी महेश्वरी मुख्यालय सुर्खेतबाट मानव स्रोत विभागमा लगिएको छ ।
कमाण्ड तथा स्टाफ कलेजका कुमार न्यौपानेको ९ नम्बर पशुपति बाहिनी मुख्यालय काठमाडौँमा काज सरुवा भएको छ ।
यस्तै बलको मानव स्रोत विभागमा रहेका एसएसपी मनिष थापाको राष्ट्रिय सुरक्षा परिषद् सचिवालयमा काज सरुवा भएको छ ।
