काठमाडाैँ – राष्ट्रिय प्रजातान्त्रिक पार्टी नेपालबाट गोरखा- २ प्रदेश सभा ‘१’ का उम्मेदवार इन्जिनियर सुबोध बस्नेत आफ्नो उम्मेदवारी निष्क्रिय बनाई नेकपा माओवादी केन्द्रमा प्रवेश गरेका छन् ।
आज शुक्रबार गोरखा सदरमुकाम आयोजित चुनावी कार्यक्रममा अध्यक्ष पुष्पकमल दाहाल ‘प्रचण्ड’ले उनलाई पार्टी प्रवेश गराएका हुन् ।
नेतृत्व तहमा युवा पुस्ताकाे सहभागिता हुनुपर्ने भन्दै राप्रपाबाट उम्मेदवारी दर्ता गराएका उनी आज अध्यक्ष प्रचण्डकाे हातबाट माला लगाउँदै माओवादी केन्द्रमा प्रवेश गरेका गरेका छन् ।
प्रचण्ड जस्ताे क्रान्तिका नायक गाेरखामा उम्मेदवार भएर जानु आफूहरूका लागि गाैरवकाे विषय भएकाे जिकिर गर्दै उनले आफ्नाे उम्मेदवारी निष्कृिय गरी प्रचण्डलाई जिताउन लागि पर्ने घाेषणा गरेका हुन् ।
‘नेपालको राजनीतिक आन्दोलनका मियो, शान्ति र क्रान्तिका नायक गोर्खामा उम्मेदवार भएर आउनु हामी सम्पूर्ण गोर्खाली जनताको लागि गौरवको विषय हो । म आजैका दिनदेखि मेरो उम्मेदवारी निष्क्रिय बनाई माओवादी केन्द्रमा प्रवेश गरेको घोषणा गर्दछु, उनले भने,’म अब अध्यक्ष कमरेड प्रचण्ड र गठबन्धनका उम्मेदवारलाई जिताउन लागि पर्नेछु।’
