डडेल्धुरामा स्वतन्त्र उम्मेदवार रहेका सागर ढकालले आफूलाई प्रशासनले प्रचारप्रसार गर्न नदिएको बताएका छन् । सोमबार साँझ सामाजिक सञ्जालमा उनले आफूलाई माइकिङ गर्न नदिइएको बताएका छन् ।
उनले प्रधानमन्त्री तथा कांग्रेस सभापति शेरबहादुर देउवाले खुलमखुल्ल नियम कानुन उल्लंघन गर्दा पनि प्रशासनले आँखा चिम्लेको तर आफूलाई माइकिङ गर्नसमेत नदिएको बताएका छन् ।
उनले भनेका छन्, ‘मलाई जोगाइदिनुस्– जता गुहार्नु बाहेक केही बाँकी रहेन’, उनले सामाजिक सञ्जालमार्फत भनेका छन्, ‘सबै प्रशासन शेरबहादुरको मुनि छ, कुरा गर्नु नगर्नु बेकार छ।’ उनले आफूलाई प्रचारप्रसारमा डडेलधुरामा रोक लगाइएको दाबी गर्दै अगाडि भनेका छन्, ‘शेरबहादुरले खुलमखुल्ला नियम कानुन उल्लंघन गर्दा आँखा बन्द गरेको प्रशासन आज मैले हर्क साम्पांङ जस्तो गरी माइकिङ गर्न पनि दिएको छैन। मलाइ रोकेको छ ।’
प्रधानमन्त्री देउवा पनि यहाँबाट प्रतिनिधिसभा सदस्य उम्मेदवार छ ।
मलाई जोगाइदिनुस् – मलाई अब प्रचार प्रसारमा डडेल्धुरामा रोक लगाइएको छ। शेरबहादुरले खुलमखुल्ला नियम कानुन उल्लंघन गर्दा आखा बन्द गरेको प्रशासन आज मैले हर्क साम्पांङ जस्तो गरि माइकिंग गर्न पनि दिएको छैन।
— Sagar Dhakal (@watersagar) November 7, 2022
