नेकपा माओवादी केन्द्रका अध्यक्ष पुष्पकमल दाहाल प्रचण्डले आज अपराह्न ४ बजे प्रधानमन्त्री पदको शपथ लिँदैछन् ।
प्रचण्डको शपथसँगै सानो आकारको मन्त्रिपरिषद् गठन हुनेछ । आइतबार राष्ट्रपति विद्यादेवी भण्डारीले प्रचण्डलाई प्रधानमन्त्री नियुक्त गरेकी थिइन् ।
आज प्रधानमन्त्रीको शपथसंगै सानो आकारको मन्त्रिमण्डल गठन गर्ने प्रचण्डको तयारी रहेको छ। आजै मन्त्री हुनेमा एमालेबाट बिष्णु पौडेल, माओवादीबाट वर्षमान पुन, राष्ट्रिय स्वतन्त्र पार्टीबाट रबि लामिछाने, राष्ट्रिय प्रजातन्त्र पार्टीबाट राजेन्द्र लिङ्ग्देन रहेका छन्।
आइतबारै प्रचण्डले आफूलाई १६९ सांसदको समर्थन रहेको दाबीसहितको पत्र राष्ट्रपतिलाई बुझाएका थिए । प्रचण्ड तेस्रोपटक प्रधानमन्त्री बनेका हुन् ।
उनी पहिलोपटक २०६५ मा प्रधानमन्त्री बनेका थिए भने दोस्रोपटक २०७३ मा प्रधानमन्त्री बनेका थिए ।
उनी दुईपटक एमालेको सहयोगमा प्रधानमन्त्री बनेका हुन् भने एकपटक कांग्रेसको समर्थनमा प्रधानमन्त्री बनेका हुन् ।
