बेलायतमा सञ्चालन भएको ‘एक्सरसाइज क्याम्ब्रियन पेट्रोल ’मा स्वर्ण पदक जित्ने टोलीलाई प्रधानसेनापतिले सम्मान गरेका छन्।
टोलीलाई प्रधानसेनापति महारथी अशोक राज सिग्देलले आइतबार जङ्गी अड्डामा आयोजित एक विशेष कार्यक्रम बिच ‘प्रधानसेनापति प्रशंसा निशान’ प्रदान गरिएको हो ।
यहि आश्विन २३ गतेदेखि २५ गतेसम्म सञ्चालन गरिएको उक्त अभ्यासमा बेलायत सहित ३७ राष्ट्रका १२१ वटा अन्तर्राष्ट्रिय टोलीहरूको सहभागिता रहेको थियो। सन् १९६० देखि वार्षिक रूपमा आयोजना हुँदै आएको यो प्रतियोगितामा नेपाली सेनाले सन् २०१४ देखि भाग लिदै आइरहेको छ।
दुई दिनको यस अभ्यासमा टोलीले हतियार र करिब ५० पौंड तौल बराबरको उपकरण र सामग्रीसहित ५० किलोमिटर दूरी पार गर्नुपर्ने थियो। यस क्रममा टोलीको लडाइको तयारी, सूचना संकलन, घाइते र बिरामीको व्यवस्थापनजस्ता दक्षताहरूको परीक्षण गरिएको थियो।
यसअघि पनि, नेपाली सेनाले २०१७ र २०१९ मा यो प्रतियोगितामा स्वर्ण पदक जितेको थियो।
