नेपाल क्रिकेट संघ (क्यान)ले नेपाल प्रिमियर लिग (एनपिएल)को टिकट शुल्क निर्धारण गरेको छ । क्यानले सोमबार उद्घाटन खेल, लिग, प्लेअफ खेल, फाइनल र सिजनल पासको टिकट समेत निर्धारण गरेको हो । उद्घाटनका दिन सामान्यतर्फको टिकट दर तीन सय सय र भिआईपीको सात सय तोकिएको छ ।
लिग चरणका खेलमा तीन सय र पाँँच सय तोकिँदा प्लेअफमा पाँच सय र सात सय बनाएको छ । त्यस्तै, ६ पुसमा हुने फाइनल खेलको टिकट दर सामान्यतर्फ पाँच सय र भिआईपीतर्फ एक हजार निर्धारण गरेको छ ।
क्यानले पहिलोपटक आफै आयोजना गर्न लागेको लिगको सिजनल पास पनि उपलब्ध गराउने निर्णय गरेको छ । पासमा २० प्रतिशत छुट गरेको छ । सामान्यतर्फको मुल्य चार हजार चार सय ८० तथा भिआईपीतर्फको मुल्य आठ हजार दुई सय ४० रुपैँया तोकेको छ ।
लिगको उद्घाटन खेलमा विराटनगर किंग्स र जनकपुर बोल्ट्स शनिबार भिड्नेछन् ।
