नवलपरासीको बर्दघाटमा अत्यन्तै दुर्लभ फेला परेको छ। सर्प उद्दारकर्मी दुर्गा लामिछाने र फोटोग्राफर राज अधिकारीले बर्दघाट अत्यन्तै दुर्लभ अलिभ किलब्याक सर्प फेला पारेको तस्वीर खिचेका छन् ।
फोटोग्राफर अधिकारीले दक्षिण एसियामा पाइने यो सर्प नेपालमा रेकर्ड भए पनि यसरी देखिएको चाहिँ बिरलै रहेको बताए । ‘नेपालमा यसअघि यो सर्पको प्रस्ट तस्वीर खिचिएको फेला परेको छैन । यस अर्थमा नेपालमा यो सर्पको स्पष्ट तस्वीर खिचिएको यो नै पहिलो रेकर्ड हो ।’ उनले भने।
कोलुब्रिडे परिवारमा पर्ने यो सर्प अविषालु किसिमको हुन्छ । यो श्रीलंका, बङ्गलादेश, भारत र नेपालमा भेटिएको अभिलेख रहेको छ ।
भारतको तमिलनाडु, आन्द्र प्रदेश लगायतका ठाउँहरूमा छ्याप्छ्याप्ती देखा पर्ने यो सर्प नेपालमा भने खासै देखिँदैन । आइयुसिएनको रातो सूचीमा भने यसलाई कम चासोका प्रजाति तर्फ राखिएको छ
