साताको पहिलो कारोबार दिनमा नेप्से दोहोरो अंकले घट्दा लगानीकर्ताले लगानीलाई खुम्च्याएका छन्। आइतबार सेयर बजार परिसूचक नेप्से २५.४१ अंकले घटेर २६०९.६७ अंकमा आइपुग्दा लगानीकर्ताले ३ अर्ब ९९ करोडको मात्रै कारोबार गरेका हुन्।
यो दिन कारोबारमा आएका अधिकांश कम्पनीको मूल्य घटेको छ भने सबै समूहको उपसूचक समेत घटेका छन्।
कुल कारोबारमा आएका ३०१ वटा कम्पनी मध्ये १९३ वटा कम्पनीको मूल्य घट्दा ४४ वटाको मात्रै बढेको हो। बढ्नेमा वीन नेपाल लघुवित्त र सिन्धु विकास बैंकको मूल्यमा सकारात्मक सर्किट लागेको हो।
अन्य कम्पनीको भने मूल्यमा ४ प्रतिशत भन्दा थोरैको बृद्धि देखिएको छ। घट्नेमा भने आज न्यादी हाइड्रोपावर अगाडि छ। यो कम्पनीको मूल्यमा नकारात्मक सर्किट लागेको हो।
कारोबारमा भने आज अगाडि एनआरएन इन्फ्राइन्ट्रक्चर र सिन्धु विकास बैंक अगाडि छन्। यी दुवै कम्पनीको क्रमशः २० करोड र १८ करोडको कारोबार भएको हो।
