दमौली – राष्ट्रिय फोटो पत्रकार समूह नेपाल तनहुँ शाखाको अध्यक्षमा विष्णु गौतम निर्वाचित भएका छन् । शाखाको शनिबार सम्पन्न दोस्रो अधिवेशनबाट गौतमको अध्यक्षतामा नयॉ कार्यसमिति चयन भएको हो ।
शाखाको उपाध्यक्षमा अस्मिता खनाल, सचिवमा माधव पौडेल, सहसचिवमा सागर गिरी, कोषाध्यक्षमा शिला वाग्ले र सदस्यहरुमा श्रहरि पौडेल र उपेन्द्र खनाल चयन भएका छन् ।
यस्तै सल्लाहकारमा मदन वाग्ले, अमरराज नहर्की र शंकरराज नहर्की चयन भएका छन् ।
यसअघि अधिवेशनको उदघाटन गर्दै राष्ट्रिय फोटो पत्रकार समूह नेपालका केन्द्रीय अध्यक्ष प्रदीपराज वन्तले फोटो बिना समाचार नहुने भएकाले फोटो पत्रकारिता सधै विश्वसनीय रहने बताए । फोटो पत्रकारहरु व्यावसायिक हुनुपर्ने बताउँदै वन्तले फोटो पत्रकारका लागि तालिम आवश्यक रहेको उल्लेख गरे ।
कार्यक्रममा नेपाल पत्रकार महासंघ तनहुँका पूर्व अध्यक्ष ओमकार आचार्य, प्रेस चौतारी नेपाल गण्डकी प्रदेशका कोषाध्यक्ष मदन तिमिल्सना, रिपोर्टस क्लव गण्डकी प्रदेश अध्यक्ष मदन वाग्ले लगायतले मन्तव्य राखेका थिए ।
सोही अवसरमा फोटो पत्रकारितामा योगदान पुर्याए बापत राष्ट्रिय समाचार समिति (रासस) का कृष्ण न्यौपाने, प्रादेशिक खबर दैनिकका मदन वाग्ले र प्रहार अनलाइनका शंकरराज नहर्कीलाई दोसल्ला र सम्मानपत्रले सम्मानित गरिएको थियो ।
