काठमाडौँ – नेपाली कांग्रेसको विज्ञान तथा सूचना प्रविधि विभागको सदस्यमा इन्जिनीयर उज्ज्वल कोइराला मनोनित हुनुभएको छ।
कांग्रेस सभापति एवम् पूर्वप्रधानमन्त्री शेरबहादुर देउवाले पार्टीको विधान, २०१७ (संशोधनसहित) को धारा २५ (९) बमोजिम पार्टी केन्द्रीय सदस्य सुशिला मिश्र भट्ट प्रमुख रहनुभएको समितिमा कोइरालालाई सदस्य पदमा मनोनयन गर्नुभएको हो।
संखुवासभा तुम्लिङटारका कोइराला एक दशकदेखि नेपालको इन्जिनियरिङ क्षेत्रमा सक्रिय रहँदै आएका छन्। उहाँ २०६३ सालदेखि नेपाल विद्यार्थी संघ (नेविसंघ) मा संलग्न हुनुहुन्थ्यो। थापाथली क्याम्पसमा नेविसंघको इकाई सदस्य तथा एनसिआईटी कलेजमा नेविसंघ इकाई अध्यक्षको रूपमा उहाँले जिम्मेवारी सम्हालिसक्नुभएको छ।
दुईपटक नेविसंघ महाधिवेशन प्रतिनिधि रहेका कोइराला कम्प्युटर इन्जिनियरिङमा स्नातकोत्तर हुनुहुन्छ र हाल पीएचडी अध्ययनरत हुनुहुन्छ।
