काठमाडौँ — सिक्किम एमेचर उसु संघकाे आयाेजनामा हुन लागेको उसु प्राे नाईट्स भाईट प्रतियोगितामा नेपालकाे तर्फबाट निर्णायककाे रूपमा नेपालका शंकर भुजेल सहभागी हुने भएका छन्। उनी भाेली मंगलबार आठ सदस्यीय नेपाली टाेलीकाे नेतृत्व गर्दै सिक्किम प्रस्थान गर्दै छन्।
प्रतियोगिताकाे लागि नेपालकाे मार्सल आर्ट्स अर्गनाइजेसन नेपाललाई विशेष निमन्त्रणा प्राप्त भएकाे थियो । उक्त प्रतिस्पर्धामा नेपाल र सिक्किमका खेलाडीहरूबीच पाँच विभिन्न तौल समूहमा प्रतिस्पर्धा हुनेछ।
नेपालकाे प्रतिनिधित्व गर्दै सहभागी हुने खेलाडीहरूमामिलन राई – ५२ केजी तौल समूह, निश्चल तामाङ – ५६ केजी,कमल आचार्य – ६० केजी, मिलन तामाङ – ६५ केजी, विनोद श्रेष्ठ – ७० केजी समूहमा प्रतिस्पर्धा गर्ने छन् साथै, प्रशिक्षकको रूपमा राजिव महर्जन र टिम म्यानेजरको रूपमा किरण सिंह साउद रहनेछन्।
प्रतियोगितामा सहभागी टिमलाई आज किर्तिपुर नगरपालिकाका नगर प्रमुख कृष्णमान डगोलले एक कार्यक्रममार्फत बिदाई गर्दै सफलताको शुभकामना व्यक्त गरे। उनले खेलाडीहरूलाई “जितेर फर्किन बाघभैरवको आशीर्वाद” रहेको बताउँदै, खेल तथा खेलाडीहरूको प्रोत्साहनमा किर्तिपुर नगर सधैं तत्पर रहेको धारणा राखे।
