काठमाडौँ – व्यवसायी पूर्ण श्रेष्ठ ‘नेसनल क्यापिटल अवार्ड २०८१’ बाट सम्मानित भएका छन् । उत्पादनमूलक कामबाट रोजगारी सिर्जना तथा राष्ट्रिय अर्थतन्त्रमा योगदान पुर्याएकोमा श्रेष्ठलाई अवार्ड प्रदान गरिएको आयोजकले मिडिया इन्टरनेसनलले जनाएको छ ।
बिहीबार नेपाल पर्यटन बोर्डमा आयोजित विशेष समारोहमा आयोजकहरू मिडिया इन्टरनेसनल, क्यापिटल इन्टरटेन्मेन्ट र बिजनेस स्टुडियोका तर्फबाट आर्थिक पत्रकार माधव निर्दोष, गायिका अन्जु पन्तलगायतले श्रेष्ठलाई सम्मान–पत्र प्रदान गरे ।
श्रेष्ठ उदयपुरे फुड प्रोडक्ट्सका मालिक हुन् । उनको ललितपुरको ग्वार्कोमा उदयपुरे मासु पसल चलाउँछन् । उनको पसल खासगरी मटन सुकुटीका लागि चर्चित छ ।
नेसनल क्यापिटल अवार्डअन्तर्गत विभिन्न क्षेत्रमा योगदान पुर्याएका समाजसेवी, कलाकर्मी, पत्रकार र व्यवसायी सम्मानित भएका थिए ।
