नेपाल प्रहरीको अतिरिक्त महानिरीक्षक (एआईजी) मा डीआईजी सिद्धिविक्रम शाहलाई बढुवा गर्न सिफारिस गरिएको छ।
मंगलबार बसेको बढुवा समितिको बैठकले पहिलो नम्बरका डीआईजी शाहलाई नै बढुवा गर्न सिफारिस गरेको हो। शाह हाल विशेष ब्युरोका प्रमुख हुन्।
आगामी जेठ ११ गतेबाट एआईजी लालमणि आचार्य अनिवार्य अवकाशमा जाने भएपछि रिक्त हुने पदमा शाह बढुवा हुने भएका हुन्।
आचार्य अवकास हुनु एकसाता पहिले नै सिफारिस भएपनि एक सातापछि मात्रै मन्त्रिपरिषदको बैठकले उनलाई बढुवा गर्ने निर्णय गर्नेछ।
आफ्नो ब्याचबाट शाह एआईजी बन्ने एकल अधिकारी हुन्। उनका ब्याचका अरु डीआईजीसम्म मात्रै छन्।
