काठमाडौं – १५औं केन्द्रीय राष्ट्रपति रनिङ शिल्ड–२०८२ अन्तर्गत सम्पन्न उसु खेलकुद प्रतियोगिता समापन भएको छ। प्रतियोगितामा बागमती प्रदेशले उत्कृष्ट प्रदर्शन गर्दै ८ स्वर्ण पदकसहित टिम च्याम्पियन बनेको छ।
सुदूरपश्चिम प्रदेशले ३ स्वर्ण पदक जित्दै दोस्रो स्थान प्राप्त गर्दा लुम्बिनी प्रदेशले १ स्वर्ण पदकसहित तेस्रो स्थानमा चित्त बुझाएको छ ।
समापन समारोहमा नेपाल उसु महासंघका महासचिव नवराज ढुंगाना बिश्वास, उपमहासचिव राजिव महर्जन, राष्ट्रिय खेलकुद परिषद्का बोर्ड सदस्य दिपेन्द्र बिष्ट, मुख्य प्रशिक्षक फत्त बहादुर लामा लगायत अन्य अतिथि तथा प्रशिक्षकहरूको उपस्थितिमा पदक तथा प्रमाणपत्र वितरण गरिएको थियो।
प्रतियोगितामा उत्कृष्ट स्थान हासिल गर्ने खेलाडीहरूले क्रमशः रु ५,०००/-, रु ३,०००/-, र रु २,०००/- नगद पुरस्कार प्राप्त गरे।
नेपाल उसु महासंघले प्रतियोगितामा सहभागिता जनाउने सम्पूर्ण प्रदेशका टिम, खेलाडी, प्रशिक्षक तथा निर्णायकहरूलाई धन्यवाद ज्ञापन गर्दै प्रतियोगिताको सफल सम्पन्नताप्रति खुसी व्यक्त गरेको छ।
