काठमाडौं – काठमाडौंमा शनिबार (जेठ ३१) ‘प्राइड परेड’ आयोजना गरियो । लैंगिक तथा यौनिक अल्पसंख्यक समूहको आयोजनामा रत्नपार्कस्थित शान्तिवाटिकामा भेला भएर र्यालीसहित नारायण चौरमा पुगी विभिन्न कार्यक्रम गरिएको थियो ।
हरेक वर्ष यो समूहले जुन महिनाको दोस्रो शनिबार ‘प्राइड परेड’ आयोजना गर्ने गरेको छ । ‘प्राइड परेड’को यो वर्ष सातौँ शृंखला हो ।
सहभागीहरूका हातमा रङ्गीचङ्गी प्राइड झण्डा, आकर्षक पोस्टर र प्लेकार्डहरू देखिन्थे । सडकमा लय र मस्तीले भरिएको दृश्य थियो — कसैले गीत गाउँदै थिए, कसैले नाच्दै, त कसैले साथीहरूसँग हात समाएर उल्लास प्रकट गरिरहेका थिए।
प्राइड समूहका विभिन्न सदस्यहरूले नृत्य, गायन र अभिनय प्रस्तुत गर्दै भीडलाई रोमाञ्चित बनाएका थिए । सबै जना एकअर्कालाई अँगालो हाल्दै, खुसी साट्दै, आफ्नो पहिचान र अधिकारको उत्सव मनाइरहेका थिए।
तस्वीरहरू
