रामेछाप — मन्थलीस्थित शहिद स्मृति बहुमुखी क्याम्पसको स्वतन्त्र विद्यार्थी युनियन (स्ववियु) ले असार १५ गते राष्ट्रिय धान दिवस तथा दही चिउरा खाने दिनको अवसरमा एकैदिन दुई कार्यक्रम सम्पन्न गरेको छ।
स्ववियु सभापति सुशील थापाका अनुसार, स्ववियुको आयोजनामा र क्याम्पसको समन्वयमा भएको कार्यक्रममा दही चिउरा खाने कार्यक्रमसँगै व्यवस्थापन संकाय चौथो वर्षका विद्यार्थीहरूको बिदाइ समारोह पनि गरिएको थियो।
स्ववियु सभापति थापाको अध्यक्षतामा आयोजित कार्यक्रममा क्याम्पस प्रमुख डा. भरत कुमार श्रेष्ठ प्रमुख अतिथिका रूपमा सहभागी थिए। कार्यक्रममा सहायक क्याम्पस प्रमुख रिता दाहाल, जिल्ला बाल संगठन रामेछापका अध्यक्ष सुन्दर घिमिरे लगायत अन्य व्यक्तिहरूको उपस्थिति रहेको थियो।
कार्यक्रममा सहभागिहरूले राष्ट्रिय धान दिवसको महत्त्वबारे चर्चा गर्दै कृषि, शिक्षा र संस्कृतिको संगमका रूपमा यस्ता कार्यक्रमले विद्यार्थीहरूमा सकारात्मक ऊर्जा उत्पन्न गर्ने विश्वास व्यक्त गरे।
