काठमाडौं – देशकै सबैभन्दा ठूलो खुद्रा बिक्री श्रृंखला भाटभटेनी सुपर स्टोरका विभिन्न शाखामा व्यापक क्षति पुगेको छ। केही शाखा भवनसहित ध्वस्त भएका छन् भने कतिपयमा तोडफोड र लुटपाट भएको छ।
भवनसहित पूर्ण रूपमा नष्ट भएका १२ शाखा टंगाल, महाराजगञ्ज, बौद्ध, कोटेश्वर, बालुवाटार गोदाम, पोखरा, चितवन, हेटौंडा, बिर्तामोड, दमक, विराटनगर र धरान रहेका छन्।
यस्तै कलंकी, ठिमी, बालाजु, जनकपुर, बुटवल, वीरगञ्ज, धनगढी र इटहरी शाखामा भवनमा क्षति पुर्याइएकै साथै सामान लुटपाट गरिएको भाटभटेनी स्रोतले जनाएको छ।
टोखा, सातदोबटो, अनामनगर, सनागाउँ, त्रिपुरेश्वर-यूडब्ल्यूटीसी, पाटन र नेपालगञ्ज शाखा भने सुरक्षित रहेको व्यवस्थापनले जानकारी दिएको छ।
भाटभटेनी व्यवस्थापनले क्षतिको विस्तृत विवरण संकलन भइरहेको र आवश्यक सुरक्षाका लागि सम्बन्धित निकायसँग समन्वय भइरहेको जनाएको छ। क्षतिको कुल वित्तीय मूल्यांकन भने अझै सार्वजनिक गरिएको छैन।
