काठमाडौं – प्रधानमन्त्री शुशिला कार्कीले जेनजी आन्दोलनकारीद्वारा गरिएको आगजनीबाट क्षतिग्रस्त बनेको कोटेश्वर प्रहरी प्रभागको आज निरीक्षण गरेकी छिन्। आगलागीले प्रभाग भवन ठूलो क्षति पुगेको छ।
प्रधानमन्त्री कार्की आज दिउँसो आन्दोलनका क्रममा घाइते भएका नागरिक र सुरक्षाकर्मीहरुको अवस्था बुझ्न ट्रमा सेन्टर र सिभिल अस्पताल पुगेकी थिइन्। उनले घाइतेहरूसँग भेटेर स्वास्थ्य अवस्थाबारे जानकारी लिँदै उपचारमा कुनै कमी नहोस् भनेर चिकित्सकलाई आवश्यक निर्देशनसमेत दिएकी थिइन्।
अस्पताल भ्रमणपछि प्रधानमन्त्री कार्की कोटेश्वर प्रहरी प्रभाग पुगेकी थिइन्। त्यहाँ उनले प्रहरी अधिकारीहरूसँग सुरक्षा व्यवस्थाबारे ब्रिफिङ लिएकी थिइन्। आगजनीका कारण सेवा प्रवाहमा परेको असरबारे जानकारी लिँदै उनले क्षतिग्रस्त संरचना पुनर्निर्माण र आवश्यक पूर्वाधार व्यवस्थापनका लागि तत्काल पहल गर्ने आश्वासन दिएकी छन्।
प्रधानमन्त्रीसँगै प्रहरी महानिरीक्षकलगायत उच्च अधिकारी पनि निरीक्षणमा सहभागी थिए।
