डम्बर निदाल
डडेल्धुरा – नवदुर्गा गाउँपालिकाले डडेल्धुरा अस्पताल लाई १० लाखको चेक हस्तान्तरण गरेको छ ।
डडेल्धुरा अस्पतालमा संचालन भएको पिसिआर ल्याब संचालन तथा संकट समाधानका लागि नवदुर्गा गाउँपालिकाले अस्पताललाई १० लाखको चेक हस्तान्तरण गरेको हो ।
सुदुरपश्चिम प्रदेशका पहाडी जिल्लाको केन्द्र विन्दुमा रहेको डडेल्धुरा अस्पतालमा कोरोना परिक्षण ल्याब स्थापना भई पिसिआर परिक्षण भईरहेको छ । कोरोना नियन्त्रण तथा रोकथाम गर्ने उद्धेश्यले स्थापना गरीएकोे कोरोना परिक्षण प्रयोगशालालाई अझ व्यवस्थित गर्न र आवश्यक जनशक्ति ब्यवस्थापन गर्नका लागि नवदुर्गा गाउँपालिकाले अस्पताललाई १० लाख रुपैया सहायता गरेको नवदुर्गा गाउँपालिका प्रमुख कबिन्द्र बिष्टले बताएका छन् ।
कोरोनाको महामारी शुरु भएसंगै डडेल्धुराका स्थानिय तहहरुले डडेल्धुरा अस्पतालमा कोरोना परिक्षण प्रयोगशाला स्थापना गर्ने र उक्त प्रयोगशाला संचालनका लागि आर्थिक सहयोग गर्ने प्रतिवद्धता ब्यक्त गरेका थिए सोही प्रतिवद्धता अनुसार अस्पताललाई १० लाख सहयोग गरेको नवदुर्गा गाउँपालिकाले जनाएको छ ।

डडेल्धुरामा कोरोना परिक्षण ल्याब संचालनमा आएपछि डडेल्धुरा लगायत सुदुरपश्चिमका अन्य जिल्लाहरुको पिसिआर परिक्षण हुदै आएको र पछिल्लो समय अस्पतालले प्रदान गर्ने सेवा सुविधाहरुमा पनि सुधार हुदै आएको र अझै डडेल्धुरा अस्पतालको अन्य गुणस्तर सुधारका लागि स्थानिय तहबाट भएको आर्थिक तथा भौतिक सहयोगले थप उर्जा प्राप्त भएको छ र अझै अरु स्थानिय तहहरु वाट पनि सहयोगको आशा रहेको साथै स्थानिय तहहरुसंग सधै समन्वय र सहकार्य गरेर अगाडी बढ्ने अस्पताल विकास समिति अध्यक्ष करुणाकर ओझाले बताए ।
