राहुल गुप्ता, रौतहट – विपी कोईराला स्कुल अफ पब्लिक पोलिसी प्रदेश नं २ प्रदेश कार्यालय उद्घाटन गरिएको छ। मंगलबार एक कार्यक्रमको आयोजना गर्दै संस्थाका सभापति मोहमद फिरोज आलमको सभापतित्वमा नेपाली कॉंग्रेस रौतहटका सभापति एवं संविधान सभा सदस्य कृष्णाप्रसाद यादबको उपस्थितिमा कार्यालय उद्घाटन गरिएको हो ।
कार्यक्रमलाई सम्बोधन गर्दै नेपाली कॉंग्रेस प्रदेश दुईका सभापति यादवले नेपाली कॉंग्रेसमा युवा र महिलाहरुले आफ्नो भुमिका बढाउन आवश्यक भएको बताए यो कार्यमा बीपी कोइराला स्कुल ऑफ़ पब्लिक पोलिसी आफ्नो महत्वपूर्ण खेल्नेमा आफू विश्वस्त रहेको पनि बताए साथै उनले भने ‘अहिलेको कम्युनिष्ट सरकार जनताको स्वास्थ्यसँग खेलवाड गरेको कुरा स्वास्थ्य मन्त्रालयको प्रवक्ता बेहोस हुन लागेमा मात्र अस्पताल जानु भनेर दिएको अभिव्यक्तिबाट स्पष्ट हुन्छ। ‘
कार्यक्रममा पुर्व सांसद जितेन्द्र यादवले कम्युनिष्टहरु शक्तिले दुरुपयोग गरेको र आउने चुनावमा कॉंग्रेसले दुई तिहाइ बहुमत पाउने बताए । उनले कम्युनिष्ट सरकार पतनको दिशा तर्फ गएको कुरा प्रष्ट पारे । कार्यक्रममा स्वागत मन्तव्य सस्था केन्द्रीय सदस्य विजेता झाले राखेका थिएं उक्त कार्यक्रममा नेपाली कॉंग्रेस रौतहटका उप सभापति सुनिल कुमार यादव, बिकाश तिवारी, राहुल गुप्ता, रीता रीजाल, रमेश यादव, अजय कर्ण, जिल्ला सचिव हृदय नारायण यादबलगायत नेता कार्यकर्ता को भव्य उपस्थिति रहेको थियो।
कार्यक्रमलाइ समापन गर्ने क्रममा कार्यक्रमका सभापति फिरोज आलमले संस्थाका मार्फतबाट कॉंग्रेसलाई युवामय बनाउने आफूहरुको लक्ष्य रहेको बताए। त्यस्तै रौतहटमा आपराधिक गतिविधि बढ्दै गएकोमा चिन्ता व्यक्त गरे र अपराधी जो कोहि भए पनि कानुनी दायरामा ल्याई कडा भन्दा कडा कारबाही गर्नु पर्ने उनको भनाइ छ ।
