रामेछाप -उद्योग वाणिज्यको क्षेत्रमा उत्कृष्ठ कार्य गरे वापत रामेछाप उद्योग वाणिज्य संघ सम्मानित भएको छ ।
नेपाल उद्योग वाणिज्य महासंघको ५५ औं साधारण सभा तथा उद्योग वाणिज्य दिवसको अवसरमा महासंघले रामेछाप उद्योग वाणिज्य संघलाई सम्मान गरेको हो ।
बाग्मति प्रदेशमा रहेका ख बर्गका उद्योग बाणिज्य संघहरु मध्ये रामेछाप उद्योग वाणिज्य संघले उत्कृष्ठ कार्य गरेको मूल्यांकनको आधारमा उक्त सम्मान दिने निर्णय भएको थियो ।
काठमाण्डौंमा आयोजित एक भव्य कार्यक्रममा प्रधानमन्त्री केपी शर्मा ओलीले रामेछाप उद्योग वाणिज्य संघका अध्यक्ष केशवप्रसाद घिमिरेलाई सम्मान पत्र हस्तान्तरण गरेका थिए ।
करिव ३ दशक देखि रामेछाप जिल्लामा रहेका व्यवसायीहरुको हक हितका साथै उद्योग व्यवसायको प्रबद्र्धनमा रामेछाप उद्योग वाणिज्य संघले महत्वपूर्ण योगदान गर्दै आएको छ ।
