रामेछाप जिल्लाको उमाकुण्ड गाउँपालिका वडा नं २ वाम्तीकाे लहरेटोलका मनोहर कार्कीको घरमा अागलागि हुदा वृद्ध दम्पतिकाे मृत्यु भएकाे छ ।
गएराती करिव १२ बजे भएको आगलागीमा परी मनोहर कार्कीका बुबा वर्ष ७८ का धनवहादुर कार्की र आमा वर्ष ६८ की सिता कार्कीको आगोले जलेर घटनास्थलमा नै ज्यान गएको जिल्ला प्रहरी कार्यालय रामेछापका प्रहरी नायव उपरिक्षक नबराज ढुंगानाले जानकारी दिए ।
अकस्मात घरमा आगलागी भएपछि छोरा मनोहर कार्की उनकी श्रीमती कल्पना कार्की र छोरी स्मारिका कार्की भने घरको ढोका फुटाएर बाहिर निस्कन सफल भएको प्रहरी नायव उपरिक्षक ढुंगानाले बताए ।
आगो निभाउन स्थानिय र वाम्ती प्रहरी चौकीबाट गएको प्रहरी टोलीकाे आगो निभाउन प्रयास असफल भएपछि घरमा पुर्णरुपमा क्षेति पुगेकाे छ। अागलागि कसरी भएकाे र कती क्षति भएकाे छ साेकाे जानकारी अाउन बाकी रहेकाे जिल्ला प्रहरी कार्यालय रामेछापले जनाएको छ ।
स्थानियहरुले राती घटनाको जानकारी गराएपछि जिल्ला प्रहरी कार्यालय रामेछापवाट प्रहरी प्रवक्ता श्रीशंकर श्रेष्ठको नेतृत्वमा प्रहरी टोली राती नै घटनास्थल पुुगेको थियो । घटनास्थल पुुगेको प्रहरी टोलीले स्थलगत मुचुल्का उठाउने र शव पोष्टमार्टमको लागि पठाउने तयारी गरिरहेको जिल्ला प्रहरी कार्यालय रामेछापले जनाएको छ ।
