एन्फा अध्यक्ष कर्माछिरिङ शेर्पालाई पनि झापड हान्ने दीपक मनाङेको धम्की

पोखरा – गण्डकी प्रदेश सांसद राजीव गुरुङ ‘दीपक मनाङे’ले अखिल नेपाल फुटबल संघ एन्फाका अध्यक्ष कर्माछिरिङ शेर्पालाई पनि झापड हान्ने धम्की दिएका छन्।

पोखरामा मंगलबारदेखि सुरू भएको मुख्यमन्त्री कप फुटबल प्रतियोगितामा एन्फा कास्कीका अध्यक्ष मिलन गुरुङलाई हातपात गरेका मनाङेले एन्फा केन्द्रीय अध्यक्षलाई पनि झापड हान्ने धम्की दिएका हुन्।

‘खासमा कर्मालाई खोजेको हो मैले। त्यसलाई झापड हान्न,’ उनले भने, ‘हुन त कर्मा मेरो साथी हो, तर एक झापड नहानी छाड्दिनँ।’

फिफाले कर्मा र मिलनको मुख हेरेर पैसा नदिने भन्दै मनाङेले भने, ‘यिनीहरूको जहान पाल्नलाई पैसा दिएको होइन, सब भ्रष्टाचार गरेर खाए।’

उनले मनाङबाट आएका खेलाडी कहाँ बस्ने, कहाँ खाने, कहाँ खेल्ने? भनेर कुरा गर्दा मिलनले ‘ठूल्ठूलो’ कुरा गरेको बताए। मनाङेले एन्फा कास्कीले मिति परिवर्तन गर्दा खेलाडी पाँच दिन पहिले आउनुपरेको समेत बताए।

‘म पोखरा नभएको भए कहाँ बस्थे होला। छोराछोरीजस्ता बिचराहरू ८ घण्टा हिँडेर आए,’ मनाङेले भने, ‘यिनीहरूले ४ गते गेम भनेपछि २ गते त हिँड्नुपर्‍यो, मलाई के थाहा यिनीहरूले मिति सारेर ७ गते पुर्‍याउँछ भन्ने।’

एन्फा कास्कीले प्रतियोगिताको टाइसिट बनाउँदा एन्फा मनाङका अध्यक्षलाई वास्ता नगरेको र फोन गर्दा समेत नउठाएको बताए। मनाङेले प्रतियोगिता देखेर आफूलाई लाज लागेको बताए।

‘मलाईं तपाई विशेष अतिथि हो। माथि बस्दिन पर्‍यो दाइ पो भन्छ,’ मनाङेले भने, ‘यस्तो घिन लाग्छ। यस्तो भ्रष्टाचारीको पछि लाग्न सकिँदैन।’

मुख्यमन्त्री कप भनेर आयोजना गरेको फुटबल प्रतियोगिता मुख्यमन्त्रीलाई नै थाहा नभएको उनले दाबी गरे। ‘यो पृथ्वीसुब्बा गुरुङको नाममा होइन, मुख्यमन्त्री कप हो,’ उनले भने, ‘भोलि खगराज, कृष्ण जो पनि मुख्यमन्त्री हुन सक्छ, मुख्यमन्त्रीको इज्जत कहाँ रह्यो?’

भण्डारढिक खेलमैदानमा भएको घटनालाई उनले ‘घटना’ मानेनन्। ‘यस्तो नि कहाँ घटना हुन्छ,’ उनले भने, ‘सम्झाएको मात्र हो।’

प्रहरीलाई उजुरी दिन वा अन्य प्रक्रियाबाट जानुपर्ने किन हातपात गरेको भन्दा मनाङेले भने, ‘सांसद मन्त्री पनि पुलिसकहाँ जाने भए किन पुलिस चाहियो?, पुलिस हामीले बनाएको होइन, पुलिसकहाँ जाँदा मेरो बेइज्जत हुँदैन?’

उनले पुलिस सांसदले नै बनाएको भन्दै आफूहरूको काम नीति बनाउने र पुलिसलाई आदेश दिने भएको बताए।

उनले एन्फा कास्कीका अध्यक्ष मिलन गुरुङले प्रहरीमा उजुरी दिन पनि नसक्ने बताए। ‘उजुरी मेरोमा आउने हो,’ उनले भने, ‘त्यसले खाने, त्यसले लुट्ने, उजुरी पनि त्यसैले हाल्ने?’

मनाङबाट प्रदेश सभा सदस्यमा स्वतन्त्र उम्मेदवारी दिएर निर्वाचित मनाङेलाई तत्कालीन नेकपा एमालेको साथ थियो।

निर्वाचित भएको झण्डै दुई वर्षपछि प्रदेशसभा सदस्यको सपथ लिएका थिए। काठमाडौंको ठमेललाई केन्द्र बनाएर गुण्डा नाइकेको छवि बनाएका मनाङेले सांसदको सपथ लिएपछि भने यस्तो गतिविधिमा नलाग्ने बताएका थिए।

सिफारिस

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१ वटा मोटरसाइकललाई ट्राफिक प्रहरीले नियन्त्रणमा लिएको छ। काठमाडौँ उपत्यका ट्राफिक प्रहरी कार्यालय रामशाहपथले सञ्चालन गरेको विशेष...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ पर्व सोमबार बिहान सम्पन्न भएको छ। छठ पर्वको अन्तिम दिन आज बिहान ललितपुरको कुपन्डोललगायत विभिन्न...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार मनाइएको छ। यस अवसरमा नेपाली सेनाले तालिमप्राप्त कुकुरहरूको विशेष सीप तथा कलाकौशल प्रदर्शन गरेर कुकुर...

भर्खरै

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

सांस्कृतिक उत्सवका साथ सुरु भयो ‘काठमाडौँ फिल्म फेस्टिभल’ (तस्बिरहरू)

काठमाडौँ-  काठमाडौँमा शुक्रबारदेखि पहिलो ‘काठमाडौँ फिल्म फेस्टिभल’ सुरु भएको...

खाद्य प्रविधि विभागले भन्यो: जथाभावी इनर्जी ड्रिङ्क्स नपिउनुस्

खाद्य प्रविधि तथा गुण नियन्त्रण विभागले जथाभावी इनर्जी ड्रिङ्क्स...

धेरै पढिएको