यसरी मनाइयो भक्तपुरको राधे राधेमा कृष्ण जन्माष्टमी (तस्वीरहरू)

भक्तपुर – भक्तपुरको मध्यपुर थिमि नगरपालिका–९ श्यामा श्याम धाम (राधे राधे) स्थित भगवान श्री राधाकृष्णको भक्ति मन्दिरमा यस वर्षको श्रीकृष्ण जन्माष्टमी पर्व विशेष महोत्सवका रुपमा हर्षोल्लासपूर्वक सम्पन्न भएको छ।

शनिबार बिहान ५:०० बजेदेखि सुरु भएको दर्शन, पूजन तथा विशेष साधना कार्यक्रम राति १२:३० बजेसम्म निरन्तर सञ्चालन भएको थियो। करिब २५ हजार भक्तजनहरुको सहभागितामा सम्पन्न महोत्सवमा दर्शन पूजन, संकीर्तन, भगवान श्रीकृष्णको प्राकट्य, अभिषेक, महाभोग, माखन अर्पण, महाआरती तथा सांस्कृतिक लीला प्रस्तुत जस्ता विविध कार्यक्रमहरु सञ्चालन गरिएका थिए।

श्रद्धालु भक्तजनहरुको चापलाई व्यवस्थापन गर्न दक्षिण द्वारबाट प्रवेश र पश्चिम द्वारबाट निर्गमनको विशेष व्यवस्था मिलाइएको थियो। साथै अशक्त, जेष्ठ नागरिक, महिला तथा बालबालिकालगायतका भक्तजनलाई सहज दर्शनका लागि स्वयंसेवक परिचालन गरिएको थियो।

मन्दिर परिसरमा भगवान श्रीकृष्ण जन्मोत्सवसँग सम्बन्धित चित्रकला तथा कलात्मक प्रदर्शनी, आध्यात्मिक सामग्रीहरुको बिक्री वितरण, श्री राधाकृष्णको झुला दर्शन, अनुहारमा “राधे राधे” छाप र विशेष मेकअप सेवा, साथै शाकाहारी नास्ता, चिया–कफीका लागि छुट्टाछुट्टै स्टल संचालन गरिएको थियो।

साँझ ६:३० बजे भगवान श्रीकृष्ण (बालगोपाल) को रथयात्रा भक्ति मन्दिरबाट सुरु भई विभिन्न मार्ग हुँदै निकोसेरा चोक पुगेर पुनः मन्दिरमा फर्किएको थियो। रथयात्रामा सयौं भक्तजन सहभागी भएका थिए भने यात्रा मार्गमा हजारौं श्रद्धालुहरुले भगवानको दर्शन र पूजन गरेका थिए।

भक्ति मन्दिरको स्थापना पञ्चम मूलजगद्गुरु श्री कृपालु जी महाराजको कृपाले ३० वर्षअघि भएको हो। उहाँबाट प्रतिपादित सनातन वैदिक अध्यात्म दर्शन अनुसार यहाँ नियमित भक्ति साधना सञ्चालन हुँदै आएको छ।

यसपटकको महोत्सवलाई सफल बनाउन भक्तजनहरुको सुरक्षादेखि दर्शनको सहजता सुनिश्चित गर्न जनपद तथा ट्राफिक प्रहरी, स्थानीय विद्यालयका विद्यार्थी, नेपाल स्काउट, स्वयंसेवी व्यक्तिहरु, विभिन्न संस्था, सत्संगी तथा श्री डिभाइन युथ क्लबका सदस्यलगायत सयभन्दा बढी स्वयंसेवक खटिएका थिए।

       

सिफारिस

हिमपातपछि सेताम्मे बन्यो पाँचपोखरी (तस्बिरहरू)

सिन्धुपाल्चोक- जिल्लाको प्रसिद्ध धार्मिक तथा पर्यटकीय गन्तव्य पाँचपोखरी हिमपातपछि सेताम्मे बनेको छ। हिउँले ढाकिएका पाँचवटा पवित्र पोखरी, आसपासका डाँडाकाँडा तथा हिमाली भूभागको मनमोहक दृश्यले...

नेपाली मूलका अस्ट्रेलियाली व्यवसायी पिजे श्रेष्ठलाई एसीयूको ‘ग्लोबल कनेक्सन एलुम्नाइ अवार्ड’

काठमाडौं - नेपाली मूलका अस्ट्रेलियाली उद्यमी तथा सामाजिक अभियन्ता प्रामेज (पिजे) श्रेष्ठले अस्ट्रेलियन क्याथोलिक युनिभर्सिटी (एसीयू) को सन् २०२६ को ‘ग्लोबल कनेक्सन एलुम्नाइ अवार्ड’...

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१ वटा मोटरसाइकललाई ट्राफिक प्रहरीले नियन्त्रणमा लिएको छ। काठमाडौँ उपत्यका ट्राफिक प्रहरी कार्यालय रामशाहपथले सञ्चालन गरेको विशेष...

भर्खरै

नेपाली मूलका अस्ट्रेलियाली व्यवसायी पिजे श्रेष्ठलाई एसीयूको ‘ग्लोबल कनेक्सन एलुम्नाइ अवार्ड’

काठमाडौं - नेपाली मूलका अस्ट्रेलियाली उद्यमी तथा सामाजिक अभियन्ता...

स्वरूप परिवर्तन गरी ठूलो आवाज निकाल्ने ४०१ मोटरसाइकल ट्राफिक प्रहरीको नियन्त्रणमा (तस्बिरहरू)

काठमाडौं उपत्यकामा स्वरूप परिवर्तन गरी चर्को आवाज निकाल्ने ४०१...

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

धेरै पढिएको