काठमाडौं – राष्ट्रिय स्वतन्त्र पार्टी (रास्वपा) को केन्द्रीय सदस्य पदमा डा. स्वर्णिम वाग्ले सर्वाधिक मतसहित निर्वाचित भएका छन्।
महाधिवेशनअन्तर्गत सम्पन्न निर्वाचनको अन्तिम मतपरिणामअनुसार उनले २ हजार ६ सय ५६ मत प्राप्त गरेका हुन्। प्राप्त विवरणअनुसार उनले प्रवास समितिबाट खसेको सबै मत आफ्नो पक्षमा पारेका थिए।
बिहान सम्पन्न मतदानपछि मतगणना गरिएको थियो भने अहिले अन्तिम मतपरिणाम सार्वजनिक गर्ने क्रम जारी रहेको छ। रास्वपाले पहिलो राष्ट्रिय महाधिवेशनमार्फत नयाँ नेतृत्व र केन्द्रीय संरचना चयन गरिरहेको छ।
अन्य पदाधिकारी तथा केन्द्रीय सदस्यहरूको विस्तृत मतपरिणाम क्रमशः सार्वजनिक हुँदै गएको बताइएको छ।
