काठमाडौं – उपन्यासकार तथा गीतकार डा. डीआर उपाध्यायले फेरि अर्को विश्व रेकर्ड राखेका छन् । उनले एक गीतलाई १२ भाषामा लेखेर गिनिज बुक अफ वल्र्ड रेकर्ड राखेका हुन् । यसअघि पनि गीत लेखेरै विभिन्न १४ वटा विश्व रकेर्ड राखेका उपाध्यायले यसपटक भने एक गीतलाई १२ भाषामा लेखेर नौलो रेकर्ड राखेका हुन् ।

शनिवार एक कार्यक्र राख्दै उनले गिनिज बुक अफ वल्र्ड रेकर्ड प्राप्त गरेको सार्वजनिक गरिएको हो । श्रम, रोजगार तथा सामाजिक सुरक्षा मन्त्री रामेश्वर राय यादवको प्रमुख आतिथ्यतामा सामाजिक दुरी कायम गरी राखिएको उक्त कार्यक्रममा उपाध्यायले राखेको नौलो रेकर्ड सार्वजनिक गरिएको हो । उक्त कार्यक्रममा मन्त्री रामेश्वर राय यादवले भने ‘उपाध्यायले गीत मार्फत धेरैवटा विश्व रकेर्ड कायम गर्नुभएको विषय सम्पूर्ण नेपालीकै लागि गौरवको कुरा हो’ ।

डा। उपाध्यायका ‘प्रणय’, ‘कृति’, ‘माउण्टेन मेलोडी’, ‘नशालु नजर’, ‘सेभेन्थ कडस’, ‘अन्जान तिर्खा’, ‘जोहो’, ‘प्रतिनाद’, ‘नजरको तीर’, ‘अनुभूतिको मझेरी’ लगायतका १९ वटा गीति एल्वमका सयौं गीत सार्वजनिक भएका छन् । त्यस्तै उनका ‘अतिरिक्त’, ‘भाग्यचक्र’, ‘दगाबाज’ ‘स्वार्थी’, ‘अधुरो प्रेम’, ‘त्यागी’ लगायतका दश उपन्यास पनि छन् ।

फेसबुकबाट तपाईको प्रतिक्रिया