मेलम्ची नगरपालिका ११ मेलम्ची बजार नजिक पहिरो जाँदा एक जनाको मृत्यु भएको छ। पहिरोमा परेर ८ जना हराइरहेका छन्। गएराती मेलम्ची नगरपालिकामा गएको पहिरोमा परेर ८ जना बेपत्ता भएका र एक जनाको जिवितै उद्दार गरिएको सिन्धुपाल्चोक प्रहरी प्रमुख एसपी प्रज्वल महर्जनलने जनाकारी दिए ।
बेपत्ता हुनेहरुमा राजेन्द्र चौरासिया, प्रदिप चौरासिया, राजेश चौधरी, विक्रम थिङ, मनबहादुर रुम्बा,सिमन घ्लान, शिव बालक, धामी, सोनाम लामा छन् भने बारु शाहको उद्धार गरिएको छ । प्रदेश सरकारले निर्माण गर्न लागेको कभर्डहल निर्माण गर्दै गरेका कामदार बसेको घर पहिरोले पुरिदा ८ जना कामदार बेपत्ता भएको एसपी महर्जनले बताए ।
नेपाली सेना, प्रहरी र स्थानीय बेपत्ताहरुको उद्धारमा खटिएका छन् । घटना बारे थप विवरण आउन बाँकी छ ।
