रामेछाप-रामेछापको लिखु तामाकोशी गाउ“पालिकाका अध्यक्ष गोविन्दवहादुर खड्कालाई प्रहरीले पक्राउ गरी अनुसन्धानका लागि हिरासतमा लिएको छ ।
शुक्रबार विहान ११ बजे उनलाई धोवि वजारबाटै प्रहरी निरीक्षकको टोलीले पक्राउ गरेको हो । गाउ“पालिकाकै गाडिमा धोविबाट हिडेका अध्यक्षको फोन प्रहरीले तत्कालै नियन्त्रण लिएको थियो । उनलाई शरीर वन्धक मुद्धामा अनुसन्धान गर्न नियन्त्रणमा लिइएको जिल्ला प्रहरी कार्यालय रामेछापका प्रमुख बसन्त पाठकले वताएका छन् ।
गाउ“पालिकाको एउटा योजनामा विनीयोजीत रकम भुक्तानी गर्दा उपभोक्ता समितिका अध्यक्षलाई वन्धक वनाई जवरजस्ती चेकमा दस्तखत गर्न लगाएर चेक आफुले लिएको उजुरी खड्का विरुद्ध परेको थियो । खड्कालाई प्राथमिक स्वास्थ्य केन्द्र मन्थलीमा स्वास्थ्य परिक्षण गराई रामेछाप जिल्ला अदालतबाट शरिर वन्धक मुद्धामा अनुसन्धानका लागि हिरासतमा राख्न ७ दिन म्याद थप गरीएको पाठकले वताए ।
अदालत परिसरमै प्रहरीको भ्यान लगेर खड्कालाई हिरासतमा लगिएको छ ।तत्कालिन नेकपा एमालेबाट पालिकामा निर्वाचित अध्यक्ष खड्कासंग पार्टीको अन्तरविरोध छ । उनलाई नेकपाले पार्टीको जिम्मेवारीबाट निलम्बन गरेको छ । गाउंपालिकाकी उपाध्यक्ष दिपशिखा दाहाल र वडा अध्यक्ष सुवास वोहोरा विरुद्ध ज्यान मार्ने धम्की दिई जवरजस्ती पैसा असुल्ने मुद्धामा अध्यक्ष खड्काले किटानी जाहेरी दिएका थिए । उक्त मुद्धा हाल काठमाण्डौ जिल्ला अदालतमा विचाराधिन अवस्थामा छ ।
गाउँपालिकाकमो बैठकमा अध्यक्ष खड्काले माग गरे जति रकम विनीयोजन गर्न नदिएपछि हाल सम्म पनि गाउ“पालिमा सवै प्रतिनिधिको बोलचाल छैन । उपाध्यक्ष र अध्यक्ष विच वोलचाल खुलेको छैन । पछिल्लो समय नेकपाले अध्यक्ष खड्कालाई निगरानीमा राखेर कमजोरीको खोजि गरीरहेको थियो । उनलाई भविष्यमा नेकपामा राख्नु नहुने एकाथरी कार्यकर्ताको पार्टीमा दवाव छ । कानुनले निर्वाचीत पदाधिकारीले दल त्याग गरेको घोषणा नभै पालिकाको अध्यक्षबाट हटाउन सक्ने अर्को कुनै विधि नभएकाले नेकपाले खड्कालाई अध्यक्षबाट निकाल्न सकेको छैन ।
