काठमाडौँ- नेपालमा थप ७०७ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ७०७ जना सक्रमित थपिएका छन्। यीसहित हालसम्म संक्रमित हुनेको संख्या २९६४५ पुगेको छ।
त्यस्तै आजै थप २६४ जना कोरोना संक्रमित डिस्चार्ज भएका छन्। योसंगै कोरोना भाइरस निको भएर घर फर्किनेको संख्या १७९६४ पुगेको छ।
काठमाडौं उपत्यकामा मात्रै थप २०० जनामा कोरोना संक्रमण पुष्टि भएको छ । विगत २४ घण्टामा ११ हजार ८ सय ३२ जनाको पिसिआर परीक्षण भएको छ।
संक्रमितहरू सबै स्वास्थ्यकर्मीको सम्पर्कमा रहेको मन्त्रालयले जनाएको छ।
