महेश सिंह
लहान – सिरहाको बर्यारपटि गाउँपालिकामा वडा नम्बर १ कचनारीमा धानमा पानी लगाउने विषयमा विवाद हुँदा ३ प्रहरी सहित दर्जनौं स्थानिय घाइते भएका छन् ।
शुक्रबार राती करीब ९ बजे तिर रामनाथ यादव र बिजय यादवको पक्षबीच धानमा पानी पठाउने विषयलाई लिएर विवादले उग्ररूप लिएपछि झडप भएको हो । स्थानीय अजय यादवको खेतमा रहेको बोडिङमा विद्युतबाट चल्ने पानी तान्ने मोटरबाट पानी धान खेतमा पानी म पहिला हाल्छु त, म पहिला हाल्छु – भन्दै बिवाद उग्ररूप लिए पछि झगडा भएको थियो ।
मोटर ,बोरिङ्ग ,जग्गा सहित स्थानीय अजय चौधरीको निजि हो । पुरानो रिशिबिको कारणले उक्त झगडा भएको स्थानीयले बताए। घाइते हुनेमा दिनेश कुमार यादव भगतको १० टाका लगेको छ भने श्याम कुमार भगतलाई ४ वटा टाका र मिथिलेश यादवलाई ३ वटा टाका लागेको छ । घाइतेलाई लहान सरकारी अस्पतालमा उपचार गराएको पीडितले बताए ।
यता १० जनाको एक समुहले राज कुमार यादवको श्रीमती स्वस्तिका कुमारी गिरी यादवलाई घरमा गई बोक्सीको आरोपमा कुटपिट गरेको पीडितले आरोप लगाएका छन्। उक्त घटनामा शान्ति सुरक्षाको लागि प्रहरी चौकी कचनारीबाट खटिएको नेपाल प्रहरीको दुई जना जवान र बोडर चेक पोस्ट कचनारीमा खटिएको सशस्त्र प्रहरीका इन्स्पेक्टर सुर्य धमलासमेत घाईते भएका छन् ।
