डम्बर निदाल डडेल्धुरा – डडेल्धुरा अस्पताल डडेल्धुरामा स्वइच्छाले कोरोना परिक्षण गराउदा २ हजार ५ सय रुपैयाँ लाग्ने भएको छ । आफुखुशि कसैले कोरोनाको पिसीआर परिक्षण गराउदा उक्त शुल्क लाग्ने भएको हो ।
डडेल्धुरा अस्पतालले आज एक सूचना जारी गरी निर्देशिका भन्दा बाहिरका अर्थात कसैले स्वइच्छाले कोरोनाको पिसीआर परिक्षण गराउदा २ हजार ५ सय शुल्क लिने निर्णय गरेको जनाएको छ ।
नेपाल सरकारको स्वास्थ्य तथा जनसंख्या मन्त्रालय, आपतकालिन कार्य संचालन केन्द्र तथा अस्पताल व्यवस्थापन समितिको निर्णय अनुसार शुल्क तोकिएको अस्पतालका निमित्त मेसु डा. जगदिशचन्द्र विष्टले जानकारी दिए । यस अघि अस्पतालले आपत कालिन अवस्थामा एक घण्टा भित्र पिसिआर रिपोर्ट दिने जनाएको थियो ।
यसै गरी सेती प्रादेशिक अस्पतालले पनि स्वइच्छाले कोरोनाको पिसीआर परिक्षण गर्दा २ हजार ५ सय शुल्क लिने निर्णय गरिसकेको छ ।
