काठमाडौं – हिन्दू परम्परा अनुसार आजबाट मलमास शुरु भएको छ । हिन्दू परम्परा अनुसार मलमासको अवधिमा शुभ कार्य गर्न नहुने विज्ञले बताएका छन् । विहिबार अपरान्ह ४ः५९ बजेदेखि शुरु भएको मलमास असोज ३० गते राति १ः५३ बजेसम्म रहने छ । सो अवधिमा कुनै पनि नयाँ कार्यको थालनी गर्न नहुने उनीहरुको भनाइ छ ।
मलमास चन्द्रमाको गति अनुसारको महिनाभित्र सूर्यको संक्रान्ति परेन भने यो एउटा अधिकमास हो । यसलाई मलमास भनिन्छ । अधिकमास प्रत्येक तीन वर्षमा एकपटक आउँछ । प्रत्येक राशि, नक्षत्र, महिना आदिका स्वामी छन् तर अधिक मास अर्थात् मलमासको स्वामी छैनन् । यसकारण अधिकमासमा सम्पूर्ण शुभ, देव एवं पितृ कार्य वर्जित मानिएको भनाइ छ ।
गर्न हुने कुरा
–नित्य कर्म
–नियमित गरिँदै आएको व्रत
–निस्काम भावले गरिने बिहानी सत्संग
–विष्णुको स्तुति र कीर्तन
–न्वारन, पास्नी
–दैनिक उपभोग्य सामग्री खरिद
गर्न नहुने कुरा
–कुनै पनि काम्य गर्म गर्न हुँदैन
–मुहूर्त जुराएर गर्ने काम केही पनि गर्न हुँदैन
–गृह प्रवेश
–नयाँ तीर्थको यात्रा गर्न
–नयाँ व्यवसाय सुरु गर्न
–नयाँ व्रतको सुरुवात गर्न हुँदैन
–नयाँ संरचना निर्माणको थालनी
