महोत्तरी – बीपी कोइराला स्कुल अफ पब्लिक पोलिसीको प्रदेश दुईको प्रथम प्रादेशिक भेला महोत्तरीको बर्दिवासमा सम्पन भएको छ । बीपी कोइराला स्कुल अफ पब्लिक पोलिसीका प्रदेश दुई सभापति फिरोज आलमको सभापतित्वमा सम्पन कार्यक्रममा आठ वटै जिल्लामा प्रदेश समितिमा चयन भएका सम्पूर्णलाइ टीका लगाउदै स्वागत गरेका थिए ।
उक्त कार्यक्रमलाइ सम्बोधन गर्दै प्रदेश दुई सभापति फिरोज आलमले बीपी कोइराला नेपालका मात्र नभई विश्व कै नेता भएको बताए । विश्वमा नेपाली नेताको चर्चा हुँदा बीपी कोइरालको मात्र हुने गरेको उनको भनाइ छ । बीपी कोइरालाको समाजवादले नै गरिब निमुखा जनतालाई समेट्न सक्ने बताए ।
यसै क्रममा नेपाली कॉंग्रेस हिमाल पहाड तराई सबैको पार्टी भएको कुरा उल्लेख गरे । बीपी कोइरालाले त्यति बेला नै पर्शु नारायण चौधरीलाई भावी प्रधानमन्त्री भनेर घोषणा गरेका थिए । कॉंग्रेसले मधेशीको छोरालाई राष्ट्रपति बनाएको कुरा समेत स्मरण गराए । त्यो सोच नेपाली कॉंग्रेसमा हिजो पनि थियो आज पनि छ भोली पनि रहनेछ ।
त्यस्तै संबिधान दिवसको दिन मधेशीदलले कालो दिवस मनाउन दिएको निर्देशन नैतिकता बिनाको राजनीति भएको टिप्पणी गरे । उपेन्द्र यादब बारम्बार मधेशी जनतालाई धोका मात्र दिएको छ । त्यहि संविधान टेकेर मन्त्री बन्ने र त्यहि संविधान नमान्ने यो केवल नाटक गरेको आरोप लगाए । त्यसैले नेपाली कॉंग्रेसले मात्र मधेशीको मुद्दा सम्बोधन गर्ने बताए । उक्त कार्यक्रममा संस्थाका उपाध्यक्ष विकाश तिवारी, सह- सचिव सुरेन्द्र पौडेल लगाएत प्रदेश सदस्यहरु राहुल गुप्ता, रीता रिजाल, रमेश यादव सहभगिता रहेको थियो । कार्यक्रम सञ्चालन संस्थाका सचिव रोशन ठाकुरले गरेको थियो।
