काठमाडौँ – सन्दिप लामिछाने सम्मिलित टिम श्रेयस ऐयर कप्तानीको दिल्ली क्यापिटल्सले केएल राहुल कप्तानीको किंग्स-११ पन्जाब बिरुद्ध पहिलो खेल खेल्दैछ। युएईको दुबई स्थित दुबई अन्तर्राष्ट्रिय क्रिकेट स्टेडियममा हुने खेल नेपाली समय अनुसार राति ७:४५ बजे सुरु हुनेछ।
लिगको उपाधि हालसम्म जित्न नसकेको दिल्ली र पन्जाब यो सिजन पहिलो उपाधि जित्ने लक्ष्य सहित सुरुवाती खेल जित्दै लय प्राप्त गर्न चाहन्छ। गत सिजन लिग अन्तर्गत गत सिजन दिल्लीले पन्जाबलाई १ खेलमा पराजित गरेको थियो भने १ खेलमा पराजित भएको थियो।
युएईको पिच सुस्त र स्पिनरहरुलाई मद्दत गर्ने हुँदा यो पटक सन्दिपले धेरै खेलमा मौका पाउने सम्भावना रहेको छ। गत साता सिपिएल टि-२० मा जमैका तलावाजको प्रतिनिधित्व गरेर सन्दिप युएई प्रस्थान गरेका थिए। मंगलबार युएई पुगेका सन्दिपको सबै ३ वटा कोरोना टेस्ट नेगेटिभ आएको छ जसपछि उनि शनिवार टिमसंग अभ्यासमा पुगेका थिए। उनि आज खेल्नको लागि उपलब्ध रहेका छन्।
उनको क्वारेन्टाइन अबधि शनिवार सकिएको हो। उनले शनिवार टिमसंग अभ्यास पनि गरिसकेका छन्। उनको पुगेको दिन मंगलबार राति टेस्ट गरिएको थियो जसपछि हरेक वैकल्पिक दिन टेस्ट भएको थियो।
टिम दिल्ली क्यापिटल्स (Delhi Capitals ) श्रेयस अयर ( कप्तान ), शिखर धवन, पृथ्वी शा, रिषभ पंत, अक्षर पटेल, कीमो पल(✈️), अमित मिश्रा, सन्दिप लामिछाने(✈️), आवेश खान, हर्शल पटेल, इशांत शर्मा, कागिसो रबाडा(✈️), आर. अश्विन, अजिंक्य रहाने, एलेक्स केरी(✈️), शिमरन हेटमायर(✈️), एनरिक नोर्किया(✈️), ड्यानीयल स्याम्स(✈️) , मार्कस स्टोइनिस(✈️), मोहित शर्मा, ललित यादव र तुषार देशपांडे।
