डम्बर निदाल
डडेल्धुरा -बिगतका वर्षमा सदरमुकाम केन्द्रित रही संविधान दिवस मनाईने गरीन्थ्यो, तर यसपालि भने सदरमुकाम सुनसान बन्न पुग्यो । कोरोना भाईरसका कारण जिल्ला सदरमुकाममा रहेको अमरगढी नगरपालिका लगायत वागवजारक्षेत्र र टुडिखेलमा समेत औपचारिक कुनै कार्यक्रम आयोजना हुन सकेन । सरकारी र गैरसरकारी कार्यालयवाट भरिभराउ रहेको जिल्ला सदरमुकाममा संविधान दिवसको चहलपहल केही रहेन भने सरोकारवाला वाट चासो समेत राखेको देखिएन ।
डडेल्धुरामा कोरोना संक्रमितकोे संख्या न्युन रहेको भएपनि जिल्ला प्रशासन कार्यालयले हालै एक सुचना प्रकाशित गरि भेला समारोह आयोजना नगर्न निर्णय जारी गरेको थियो । उक्त सुचना कै आधारमा सदरमुकाममा संविधान दिवसको दिन शनिवार वागवजार सुनसान रहेको स्थानिय वताउछन । नेपाल सरकारले घरघरमा नेपालको राष्ट्रिय झण्डा फहराउने निर्णय गरेको भए पनि सदरमुकाम मा कुनै कार्यक्रमको आयोजना समेत भएन ।
अन्य स्थानिय तहमा भने दिपावली मनाउनका साथै नेपालको नयाँ नक्साकोरी दिपप्रज्वलन समेत गरिएको छ । भागेश्वर गाउँपालिकाको कार्यालयमा हर्षोउल्लासका साथ संबिधान दिवस मनाईएको जनाईएको छ । जिल्ला स्थित प्रशासनिक क्षेत्र र सुरक्षा निकायका प्रमुखहरु को उपस्थितीमा भागेश्वरमा संविधान दिवस भव्यरुपमा मनाईएको गाउँपालिका अध्यक्ष कौशिला कुमारी भट्टले वताईन ।
त्यसैगरि नगरपालिकाको दुरदराजका गाउँमा संबिधान दिवस मनाईएको छ । अमरगढीको ११ मा दिपावली सहित दिप प्रज्वलन गरि मनाईएको छ । भने गन्यापधुरा गाउँपालिका १ को भात्काडा, अजयमेरुको भद्रपुर, परशुराम नगरपालिकाको लालढुुगां वजार, भागेश्वर गाउँपालिकाको वगरकोट लगाएतका क्षेत्रमा सविंधान दिवसका दिन विभिन्न अन्तक्रिया र वेलुकी दिपप्रज्वलन गरि मनाईएको अमरगढी ११ का स्थानिय तथा नेविसघंका जिल्ला सदस्य करन बोहराले जानकारी दिए ।
स्थानिय सरकारले कुनै चहलपहल नगर्दा हामी आफै संविधान दिवसमा जुटेको अमरगढी ११ सल्लाघारीका बोहराले वताए । यो दिवस भव्य रुपले मनाउनका लागि सरकारी तवर र स्थानिय तहवाट पहल गरिनुपर्ने हो, तर कोरोना संक्रमणलाई दोष दिदै दिवस मनाउन कन्जुस्याई गरेको बोहराको भनाई छ । यसकारण हामीले आफुले सक्दो प्रयास गरि नयाँ नक्सा निर्माण गरेर दिपावालीको आयोजना गरि मनायौं, नेविसघं जिल्ला सदश्य बोहराले भने ।
अजयमेरु गाउँपालिकाले दिवसको अवसर पारेर रक्त समेत संकलन गरेका छन् भने अमरगढी ७ मा विभिन्न रगत समुह भएको मानिसको परिक्षण गरिईएको जनाएको छ । भने सदरमुकाम क्षेत्र वागवजारमा भने कुनै कार्यक्रम हुन सकेन ।
