काठमाडौँ – आजदेखि साझा यातायातले लामो दूरीका बस पनि सञ्चालन गर्दै छ।
साझा यातायातले मंगलबार ट्विटमार्फत दिएको जानकारीअनुसार आज साँझदेखि काठमाडौं–भैरहवा तथा काठमाडौं–बागलुङ रूटमा रात्रि बस सञ्चालन गरिने भएको हो।
ट्विटरमा भनिएको छ- ‘साझा यातायातद्वारा सञ्चालित डिलक्स रात्रि बस सेवाअन्तर्गत काठ–बागलुङ र काठ–भैरहवामा नेपाल सरकारले तोकेको भाडादर र स्वास्थ्य मापदण्ड पालना गर्दै ०७७/०६/०७ देखि नयाँ बसपार्कबाट साँझ ७ बजे र कलंकीबाट साँझ साढे ७ बजे बस छुट्ने बेहोरा आदरणीय यात्रु महानुभावमा जानकारी गराइन्छ।’
टिकटका लागि यात्रुले हरिभवनस्थित साझा यातायतको कार्यालय वा ई-सेवामा सम्पर्क गर्न सकिने साझा यातायातले जनाएको छ।
