काठमाडौं – शान्ति स्थापनाका लागि कंगोमा खटिएका एकजना सैनिकलाई मरणासन्न हुनेगरी सैनिक अधिकृतले कुटपिट गरेको घटनामा जङ्गी अड्डाले छानविन थालेको छ । तीनजना क्याप्टेनले जवान नवराज माझीलाई मरणासन्न हुनेगरी कुटेका थिए । कुटपिटमा क्याप्टेनहरु इन्द्र थापा, सुवास हुमागाई र योगेन्द्र धिताल संलग्न रहेको बताइएको छ ।
कंगोमा तैनाथ गणको जवान लाइनमा कुटपिट भएको भनिएको घटनाको छानविन प्रक्रिया शुरु गरिएको सैन्य प्रवक्ता (सहायकरथी) सन्तोष बल्लभ पौडेलले बताए । ‘कंगोस्थित गणमा कार्यरत जेष्ठ सेनानीको नेतृत्वमा छानविन प्रक्रिया शुरु भएको छ’ प्रवक्ता पौडेलले भने–‘घटनाको प्रकृति र तथ्य यकिन भएपछि थप प्रक्रिया अगाडि बढ्छ ।’
