डम्बर निदाल
डडेल्धुरा – लागु औषधका कारण महिला हिंसा बढ्नुका साथै किशोरीहरुले सुरक्षित हुने बाताबरण नपाउँदा महिला हिंसाका श्रृंखलाहरु बढेको सरोकारवालाहरुले बताएका छन । किशोरी संरक्षण मञ्च डडेल्धुराको आयोजनामा गरिएको अन्र्तक्रिया कार्यक्रममा महिलाहरु त्यसमा पनि वालवालिका र किशोरकिशोरीहरु घरेलु तथा उचित बाताबरण र नैतिक शिक्षाको अभावमा आफन्तबाट नै असुरक्षित बन्दै गएको औंल्याएका छन ।
सुदूरपश्चिम प्रदेश सभा सदस्य माननीय कर्ण बहादुर मल्लको प्रमुख आथित्यता र अमरगढी नगरपालिकाका प्रमुख विश्वेश्वर प्रसाद ओझा, प्रमुख जिल्ला अधिकारी बन्धु प्रसाद बास्तोला बिशिष्ट अथिति रहेको किशोरी संरक्षण तथा चुनौती विषयक अन्तरक्रिया कार्यक्रममा समाजमा देखिएका अधिकांश बिकृति बिसंगति हत्या बलात्कार दुब्र्यसन र दुर्घटनाहरु मदिरा सेवन तथा लागु औषधका कारण भईरहेकोले अपराधजन्य कारण बन्ने यस्ता विषयमा स्थानीय तह लगायत नागरिक समाज तथा सराकारवाला निकायको ध्यान जानु पर्ने बताएका छन ।
उक्त कार्यक्रमका बिशिष्ट अथिति प्रमुख जिल्ला अधिकारी बास्तोलाले अहिले समाज बिकृत मात्र भईरहेको छैन मानविय मूल्य मान्यता र अस्तित्वको संकटमा रहेको भन्दै मान्छेका दैनिक क्रियाकलाप व्यवहार सोच र संस्कारमा भर पर्ने भएकोले सबै जिम्मेवार हुनु पर्ने भन्दै नागरिकले जघन्य अपराध नियन्त्रणमा साथ दिए प्रशासन, प्रहरी, आम जनताको साथमा सदैव रहेको प्रतिबद्धता व्यक्त गर्नु भयो ।
त्यसै गरि बिशिष्ट अथिति नगरप्रमुख विश्वेश्वर प्रसाद ओझाले प्रबिधिको विकास सँगै केहि बिकृती र विनाशका सूचकहरु पनि देखिएकाले महत्वपूर्ण यस्ता प्रकृतिका कार्यक्रमलाई प्राथमिकता दिदै जानु पर्ने र पूर्बाधार विकास भन्दा सामाजिक विकास र नागरिक सुरक्षाका कार्यक्रमलाई आफूले पनि जोड दिने प्रतिबद्धता व्यक्त गर्दै मञ्चले अघि सारेको अभियानको सफलताको शुभकामना पनि दिनु भयो ।
साथै समाज बिकृत हुनुमा देशको राजनीति पनि दोषि छ, संबिधान नागरिक अधिकारका लागि मैत्रीपूर्ण भए पनि व्यवहारमा जनताका समस्या परिबर्तनमुखि दिशामा जान नसक्दा यसको असर किशोरकिशोरी लगायत भावी पिंढीमा परेको वास्तविकता बिडम्बनापूर्ण रहेको उनले बताए ।
कार्यक्रममा प्रमुख अथिति तथा सभाषद् कर्ण बहादुर मल्लले अभियानको सफलताको शुभकामना सहित जनताका आम मनोबिज्ञान सभ्य शिष्ट र सकारात्मक बनाउन सबै नागरिकहरु लक्षित सचेतना फैलाउन जरुरी रहेको बताउँदै स्थानीय सरकारले पनि समाज रुपान्तरणका लागि धेरै काम गर्न सक्छन र आर्थिक,श्रोतसाधन संभावना र पहुँच भएकोले ईच्छाशक्ति देखाउन आग्रह पनि गरेका छन ।
किशोरी संरक्षण मञ्च डडेल्धुराका अध्यक्ष देवकी जोशीको अध्यक्षतामा सम्पन्न अन्र्तक्रियामा समाजमा सुखशान्ति सुरक्षाको प्रत्याभूति, अमनचयन, समतामूलक विकासका लागि अभियानको रुपमा संचालन भएको किशोरी संरक्षण कार्यक्रम सराहनिय भएको भन्दै किशोरकिशोरी अभिभावकलाई सचेतना अभिमुखिकरण गर्नु पर्ने, कानूनी साक्षरता र नैतिक शिक्षाको अभावमा बिकराल रुप लिईरहेको सामाजिक अपराध न्यूनिकरण गर्ने कार्यक्रमहरु स्थानीय तहले तर्जुमा गरि योजनाबद्ध रुपमा अघि बढे मात्र नियन्त्रण हुने कुरामा जोड दिएका छन ।
