रामेछाप – रामेछापकाे दाेरम्बा गाउँपालिका ४ सानाे शैलुङमा ट्याक्टर दुर्घटना हुँदा २ जनाकाे घटनास्थलमै मृत्यु भएकाे छ । साेमबार राति करिब ८:४५ बजेकाे समयमा एक्कासि ट्याक्टर सडकबाट खसेर दुर्घटना भएकाे हाे ।
काभ्रेपलाञ्चोकको जिरोकिलोबाट डिजेल लिई रामेछापको सानो शैलुङतर्फ आउदै गरेको ना ७ त८७३ नम्बरको ट्याक्टर दुर्घटना हुँदा ट्याक्टर चालक दाेरम्बा ७ पुडिटारका २७ वर्षका पेमा लामा र ट्याक्टरमा सवार ५५ वर्षका फुर्वा दोर्जेको घटनास्थलमै मृत्यु भएको जिल्ला प्रहरी रामेछापका प्रमुख वसन्त पाठकले जानकारी दिए ।
ट्याक्टर सडकबाट अन्दाजी २०० मिटर तल खसेकाे र घटनामा थप अनुसन्धान भैरहेकाे प्रहरीले जनाएकाे छ ।
