डम्बर निदाल
डडेल्धुरा – डडेल्धुरा अस्पतालको प्रयोगशालामा गरिएको कोरोना परिक्षणमा सुदूरपश्चिम प्रदेशमा थप ७ जनामा कोरोना भाइरस (कोभिड–१९) को पुष्टि भएको छ । डडेल्धुरा अस्पतालको प्रयोगशालामा गरिएको परीक्षणमा डडेल्धुराका ३ बैतडीका २ र दार्चुलाका २ जनामा कोरोना संक्रमण देखिएको हो ।
प्रयोगशालामा पछिल्लो २४ घण्टामा ३६ नमुना परीक्षण भएको अस्पतालले जनाएको छ । जस मध्ये ७ जनाको रिपोर्ट पोजेटिभ आएको र बाकि २९ नमुना नेगेटिभ आएको अस्पतालका प्रयोगशाला ईन्चार्ज ईश्वरी भुसालले जानकारी दिए ।
शुक्रवार अस्पतालले सार्वजनिक गरेको सुचना अनुसार डडेल्धुरा जिल्लाको नवदुर्गा गाउँपालिकाका २ जना र डडेल्धुरा अस्पतालका १ जनामा कोरोना संक्रमण पुष्टि भएको छ ।
त्यसै गरी बैतडी जिल्लाको सुर्नया गाउँपालिकाका १ जना र पाटन नगरपालिकाका १ जनामा संक्रमण पुष्टि भएको छ । यसैगरी दार्चुला जिल्लाको मालिकार्जुन गाउँपालिकाका २ जनामा कोरोना संक्रमण पुष्टि भएको अस्पतालले सार्वजनिक गरेको सुचनामा उल्लेख गरीएको छ ।
