डम्बर निदाल
डडेल्धुरा – अमरगढी नगरपालिकाको अवरुद्ध सेवा आज वाट सुचारु भएको छ । नगरपालिकाका सबै कर्मचारी र जनप्रतिनिधिहरुको कोरोना रिपोर्ट नेगेटिभ आएपछि सेवा सुचारु गरीएको हो ।
अमरगढी नगर प्रमुख सहित कुल ११९ जना कर्मचारी र जनप्रतिनिधिहरुको गत शुक्रवार संक्रमित ब्यक्तिसंगको कन्ट्राक्ट ट्रेसिङका आधारमा स्वाब संकलन गरिएकोमा सबै जना कर्मचारी र जनप्रतिनिधिहरुको रिपोर्ट नेगेटिभ आएको अमरगढी नगरपालीकाले जनाएको छ । साथै परिस्थिति सहज देखिएकोले अवरुद्ध सेवा सोमवार वाट नियमित सुचारु गरीएको समेत नगरपालिकाले जानकारी दिएको छ ।
नगरपालिकामा कार्यरत स्वास्थ्य शाखा प्रमुख गणेश बिष्ट लाई कोरोना पूष्टी भएपछी उनको सम्पर्कमा रहेका हरुको डडेल्धुरा अस्पतालमा स्वाब संकलन गरिएको थियो ।
यस अघि अमरगढी नगरपालिकाको कोभिड—१९ रोकथाम तथा नियन्त्रणका लागी गठित स्थानिय निर्देशक तथा सहजीकरण समितिको आकस्मीक बैठक को निर्णय अनुसार गत बुधवार वेलुका एक सुचना जारी गर्दै यस नगरपालिका कार्यालय र मातहतका कार्यालय वाट प्रदान गरीने आकस्मीक सेवा बाहेक सम्पुर्ण सेवाहरु अर्को सुचना नभएसम्मका लागी बन्द गरीएको अमरगढी नगरपालिकाले जनाएको थियो । नगरपालिकामा कार्यरत स्वास्थ्य शाखा प्रमुखलाई नै कोरोना संक्रमण देखिएपछि अर्को निर्णय नहुँदासम्म नगरपालिका सिल गर्ने निर्णय गरिएको थियो ।
