डम्बर निदाल
डडेल्धुरा – चाडपर्व नजिकिए संगै डडेल्धुरा सदरमुकाम बागबजार लगाएत बजार क्षेत्रहरुमा अहिले दिनप्रतिदिन कोरोनाको जोखिम नै सकिए जस्तो गरी चहलपहल बढेको छ । लामो समयदेखि संचालन नभएका सवारीसाधन का साथै ब्यापार,ब्यवसाय सबै संचालन भए पछि जिल्लाका विभिन्न स्थान तथा बाहिर जिल्ला वाट समेत सदरमुकाम आउने सर्वसाधरण नागरिक केही दिनयता बजारमा आवतजावतको संख्या बढ्ेकाले बजारमा चलहपहल बढेको हो ।
बजारमा बढ्ेको भिडभाड लाई हेर्ने हो भने अबस्था सामान्य भईसकेको जस्तो देखियपनि अबस्था त्यस्तो नरहेकोले अहिले कोरोना भाईरसको जोखिम कम नभएकाले यस्तो अबस्थामा सबैले सावधानी अपनाउनु पर्ने स्थानियबासी गोबिन्द पाठकले बताए । बजारमा अहिले सर्वसाधारणमा लापरवाही बढ्को छ,सामाजिक दरी कायम गरेको देखिदैन् चाडपर्व नजिकिए संगै बिभिन्न कामले सदरमुकाम आउनेको संख्या बढेको र लकडाउनका बेला नभएका काम अहिले हुन थालेकाले बजारमा भिडभाड हुने गरेको उनको भनाई छ ।
अहिले जिल्ला सदरमुकाम बजार लगायतका क्षेत्र हरुमा सर्वसाधारणको लापरवाही बढ्को छ कोरोना भाईरसको जोखिम कायमै रहेकाले यस्तो अबस्थामा मास्क प्रयोग नगरीकन सवारीसाधनमा होस या पैदल यात्रामा कतै पनि मास्क प्रयोग गरेको पाईदैन् । मास्क नलगाएर हिडडुल गर्ने गरेका छन् । पुर्ण रुपमा मास्क प्रयोग गरेको देखिदैन् ।
जिल्लामा पनि संक्रमित देखापर्ने क्रम जारी नै रहेकाले जोखिम कम भयो भन्ने अबस्था छैन । चाडपर्व नजिकिदै गए पछि यस्तो अबस्थामा बजार क्षेत्रमा भिडभाड हुनाले जोखिम झन बढ्न सक्ने भएकाले यस लाई लापरवाहीका रुपमा नलिन र सबैले सुरक्षाका उपायहरु अपनाउनुपर्ने स्थानियवासी राजु पाठकले बताए ।
कोरोनाको जोखिम कायमै रहेकाले सबैले सावधानी अपनाउनु जरुरी रहेको छ । कोरोना भाईरसको अन्त्य भइसकेको छैन । चाडपर्वको समय र लकडाउनका बेला गर्न नपाएका कामहरु यतिबेला भईराखेका हुनाले बजार क्षेत्रमा जताततै भिडभाड देखिएको छ । बजारमा खुलेका विभिन्न पसलमा भिडभाड हुने क्रम बढ्दै गए पनि सुरक्षा विधि नअनाई कामहरु भईराखेका छन् । सामाजिक दूरी कायम समेत भएको पाइँदैन ।
कोरोनाबाट आफू जोगिन र अरुलाई जोगाउन भौतिक दूरी कायम राख्ने, सरसफाइमा ध्यान दिने, साबुनपानीले हात धुने, मास्क लगाउने, लगायतका क्रियाकलाप गरेमा जोखिम न्यूनीकरण हुनसक्ने चिकित्सकको भनाइ छ । विश्व स्वास्थ्य सङ्गठनले पनि तत्काल कोरोनाको सङ्क्रमणबाट मुक्त हुने अवस्था नरहेको बताउँदै आएको छ । कोरोना भाइरसको संक्रमण बाट बच्नका लागि सबैभन्दा पहिला व्यक्तिगत सावधानी नै महत्वपूर्ण रहेको छ ।
नेपाल सरकार र जिल्ला प्रशासन कार्यालयबाट समेत कोरोनाबाट बच्नका लागि विभिन्न सावधानी अपनाउन आग्रह गर्दै आए पनि सर्वसाधारणले भने यस्ता उपायहरु लागू नगर्दा जोखिम बढ्दै गएको स्थानियवासीको भनाई छ ।
ब्यापार, व्यवसाय, संचालन भए तर, सुरक्षाको सावधानी भने काहीकतै देखिदैन संचालन गरिएका ब्यापार , व्यवसाय पनि निर्वाध रूपमा बिनासुरक्षा संचालनमा आइरहेका छन् । तर सुरक्षाको जिम्मा पाएका निकायहरू नै कडा रूपमा प्रस्तुत नहुँदा कोरोनाको जोखिम बढ्दै गएको छ । कोरोना भाईरसका कारण एकपछि अर्को मृत्यु भएका खवरहरु आईरहेका छन् तरपनि नागरिक सतर्कतामा कुनै सुधार नहुदा थप जोखिम बढ्दै गएको छ ।
