काठमाडौं – आज प्रदेश १, प्रदेश २, बागमती प्रदेश र गण्डकी प्रदेशमा आशिक बदली रहेको छ भने अन्य भू भागको मौसम सफा रहेको छ ।
जल तथा मौसम पूर्वानुमान महाशाखाका अनुसार आज पहाडी भू -भागका एक दुई स्थानमा वर्षा हुने संभावना रहेको छ ।
बंगालको खाडीमा तेलांगना माथी रहेको शक्तिशाली निम्न चापीय क्षेत्र कमजोर भई पश्चिम – उत्तरपश्चिम दिशामा अरब सागर तर्फ लागेका कारण यसको प्रभाव नेपालमा पनि सामाँय रुपमा देखिएको महाशाखाले जनाएको छ ।
त्यस्तै आज राती प्रदेश १, बागमती, गण्डकी र लुम्बिनी प्रदेशका केहि भू-भागमा आंशिक बदली रहने महाशाखाले जनाएको छ । राती पनि पहाडी क्षेत्रमा छिटफुट रुपमा वर्षा हुने महाशाखाको अनुमान रहेको छ ।
