काठमाडौं – नयाँ बजारको फलफूल चोकस्थित एक घरमा खाना पकाउने ग्यास बिस्फोट हुँदा ५ जना घाइते भएका छन्।
आज बिहान घरभित्र रहेको ग्यास बिस्फोट हुँदा पाँच जना घाइते भएको महानगरीय प्रहरी परिसर काठमाडौंका एसपी सोमेन्द्रसिंह राठौरले जानकारी दिए। नीलकुमारी क्षेत्रीको घरमा ग्यास बिस्फोट भएको हो।
बिस्फोटको कारण घरको अधिकांश भागमा क्षति पुगेको छ।
अहिले घटनास्थलमा दमकल र प्रहरीको टोलीले आगो निभाइरहेको छ । घटनाको विस्तृत विवरण आउन बाँकी छ ।
