डम्बर निदाल
डडेल्धुरा – नेपाल विद्यार्थी संघ डडेल्धुराले प्रमुख जिल्ला अधिकारीलाई ज्ञापन पत्र बुझाएका छन् ।
सरकारी सवारीसाधनको दुरुपयोग रोक्नु पर्ने दशै तिहार को वेला हुने जुवातास तथा गाउँघरमा मदिरा विक्रिवितरण गर्ने तथा कालोवजारी गर्ने लाई कारवाहीको दायरामा ल्याउनु पर्ने तथा चाडपर्वको वेला सुरक्षा व्यवस्था कडा मिलाउनु पर्ने माग सहित नेपाल विद्यार्थी संघ डडेल्धुराले स्थानिय प्रशासनको ध्यानाकर्षण गराएका हुन् ।
डडेल्धुरा जिल्लामा सरकारी सवारी साधनहरुको चरम दुरुपयोग भइरहेको र तत्काल उक्त गतिबिधि रोक्न माग गर्दै नेविसंघले श्ुक्रबार जिल्ला प्रशासन कार्यालय डडेल्धुरालाई ज्ञापन पत्र बुझाएको हो ।
सरकारी कामवाहेक व्यक्तिगत कामका साथै अन्य क्रियाकलापमा समेत सरकारी सवारी साधनहरु दुरुपयोग गरिएको भन्दै यथाशिघ्र यस्ताप्रकारका गतिविधी रोक्न अल्टिमेटमसहित प्रमुख जिल्ला अधिकारी बन्धुप्रसाद बास्तोलालाई ज्ञापन पत्र बुझाइएको डडेल्धुरा बहुमुखी क्याम्पसका स्ववियु सभापति तथा नेपाल विद्यार्थी संघ डडेल्धुराका नेता जगत ऐरले बताए ।
स्थानीय प्रशासनले कुनै कदम नचाले नेपाल विद्यार्थी संघले दुरुपयोग गरिएका सरकारी सवारी साधनहरु कब्जामा लिएर प्रमाणसहित कारवाहीका लागि स्थानीय प्रशासन समक्ष पेश गर्ने नेपाल विद्यार्थी संघ डडेल्धुराले जनाएको छ ।
सरकारी सवारी साधनहरुको दुरुपयोग रोक्न ढिलाई गरेमा नेपाल विद्यार्थी संघ डडेल्धुराले त्यस्ताकिसिमका क्रियाकलापमा संलग्न ब्यक्तिहरुलाई समातेर स्थानीय प्रशासनमा प्रमाण सहित कारवाहीका लागि पेश गर्ने ज्ञापनपत्र मार्फत चेतावनी दिएको छ । 
